Aktori Florjan Binaj nuk ka qenë pjesë e shfaqjeve të “Portokallisë” dhe është e paqartë se edhe sa të diela do të mungojë.

Pas shumë komenteve të ndjekësve dhe pikëpyetjeve në lidhje me vazhdimësinë në “Portokalli”, në një postim në Instagram, ai sqaroi se mungesa nuk ka lidhje me pjesëmarrjen e tij nëpër protestat për rritjen e çmimeve.

“Do të mungoj edhe këtë të diel dhe nuk e di se sa,” shkruan ai. “E para, nuk ka lidhje me protestën, ka lidhje me diçka më të madhe për të cilën do t’ju flas ditët në vazhdim.”

Aktori falenderoi ndjekësit “për mbështetjen dhe dashurinë”.