Mbipesha dhe obeziteti janë dy arsye kryesore pse njerëzit duhet të humbasin kilogramët e tepërt. Arsyeja të tjera përfshijnë: të paturit më shumë energji përgjatë ditës, të ndjerit më mirë me veten etj.
Historitë e mëposhtme janë vetëm rrëfime personale, jo receta dietologësh apo konsultim mjekësh, por mund t'ju shërbejnë për t'ia nisur nga diku.

1. Kontrolloja porcionet që haja dhe ecja 2 km në ditë. Më pas fillova notin, vazhdova me ecjen dhe prej aty, fillova të ndërtoj forcë (të punoj me pesha).

2. Fillova të mos porosisja më asnjëherë jashtë, por të gatuaja në shtëpi. U zotova që ta vija trupin në lëvizje disi, çdo ditë.

3. Numërova çdo kalori që konsumoja. Bëja rreth 15 mijë hapa çdo ditë dhe u sigurova që të flija 7 orë ose më shumë.

4. Nuk konsumoja karbohidrate në të gjitha ditët e javës.

5. U stërvita shumë dhe rregullisht në palestër.

6. Jo dietë specifike, vetëm reduktim kalorish dhe stërvitje 5-6 herë në javë.

7. Hoqa dorë nga ushqimet e shpejta dhe pijet me gaz. Po pi më shumë ujë dhe shkoj në palestër rregullisht.

8. Thjesht palestër.

9. Bëra ndryshime rrënjësore në mënyrën si haja. Tani e ka radhën palestra.

10. Fillova të mos bëj më cardio, por të merrem më shumë me pesha. Rrugën që bëja me autobus, tani e bëj në këmbë.

11. E fitova këtë garë ngadalë, por me qëndrueshmëri dhe dashuri për veten.