Opinionistja e re e Big Brother Albania 8 do të jetë Mimoza Ahmeti.

Faqja zyrtare e Big Brother ka zbuluar se poetja e njohur e viteve '90, Mimoza Ahmeti ka marrë kështu rolin e opinionistes së këtij edicioni të Big Brother. Kjo është hera e parë që produksioni vendos në karrigen e opinionistit një femër.

Mimoza Ahmeti është tërhequr nga ekrani prej disa vitesh dhe daljen e fundit në televizion e ka pasur në "Dancing With The Stars Albania 2". Më shumë sesa për performancat e saj në kërcim, ajo mbahet mend për batutat dhe debatet e shpeshta me jurinë e asokohe të spektaklit të kërcimit.

E njohur për idetë e saj antikonformiste, kjo do të jetë hera e parë që Ahmeti ulet në panelin e opinionistes së një reality show. Më herët, në rolin e opinionistit kanë qëne Arjan Konomi dhe Armand Peza.

#showbiz