Tregu i punës i vitit 2022 është ende plot me mundësi dhe një numër në rritje kompanish po ofrojnë mundësi punësimi në distancë (nga shtëpia) për të patur më tepër fleksibilitet në punë. Vitin e kaluar FlexJobs, një shërbim anëtarësimi për punëkërkuesit, pa një rritje prej 12% në numrin e listimeve të punëve në distancë në faqen e tyre si dhe një gamë më të gjerë mundësish në të gjitha nivelet e industrive dhe përvojës.
FlexJobs, në bazën e të dhënave të faqes gjatë muajit të fundit, bëri një kontroll të mbi 13,000 vendeve të lira pune nga 5,800 kompani për të përcaktuar se cilat punë në distancë janë më të kërkuarat për momentin dhe pritet të bëhen më të njohura në muajt e ardhshëm.
Këto janë punët dhe profesionet më të kërkuara në distancë sipas FlexJobs:
1. Shërbim klienti - ndihmojnë klientët të zgjidhin pyetjet dhe problemet në lidhje me produktet ose shërbimet. Ata veprojnë si një ndërlidhës ndërmjet klientëve dhe kompanive, duke ndihmuar në tërheqjen e klientëve të rinj dhe duke sugjeruar
2. Rekrutues - është përgjegjës për kërkimin dhe shqyrtimin e kandidatëve që kanë aplikuar për punë në role të ndryshme të kompanisë. Gjithashtu koordinojnë intervistat, ofertat e punës dhe procesin e hyrjes në staf.
3. Kontabilist - ndihmon bizneset të mbledhin, monitorojnë dhe përmirësojnë financat e tyre. Përgjegjësitë përfshijnë depozitimin e taksave, përditësimin e të dhënave financiare dhe menaxhimin e llogarive të të ardhurave dhe shpenzimeve.
4. Asistent ekzekutiv - mbështet drejtuesit e biznesit duke iu përgjigjur volumit të punës së tyre, duke monitoruar dhe menaxhuar kalendarët, duke organizuar takime dhe detyra të tjera administrative.
5. Menaxher projekti - punon në një gamë industrish duke përfshirë shërbimet inxhinierike dhe financiare për të udhëhequr projektet e klientëve duke përcaktuar burimet, duke përgatitur një buxhet dhe duke monitoruar progresin, duke ndarë detyrat e punonjësve dhe raportuar ecurinë në disa faza të ndryshme kohore.
Këtu mund të shihni se ku mund të kërkoni punë në distancë.
