Ndoshta ju ka ndodhur që të njihni vajza që shohin ndeshje vetëm prej futbollistëve që luajnë, ndoshta je dhe ti njëra prej tyre. Nëse mendoni se arsyeja është vetëm prej fizikut të tyre shumë seksi, e keni gabim. Përveçse vajzat nuk janë kaq sipërfaqësore, ka disa arsye të tjera të cilat mund të marrin shpjegim kur pëlqimi i tyre ndodh pavetëdije (p.sh. në rastin e Lionel Messi-t që nuk konsiderohet si futbollisti më seksi në botë, ama ka shumë vajza që e pëlqejnë).

Djem të pashëm dhe tërheqës

Është e pamundur të flitet për tërheqjen që vajzat kanë ndaj futbollistëve pa përmendur pamjen e tyre. Falë stërvitjes intensive dhe dietës së shëndetshme, futbollistët duken të mrekullueshëm dhe shumë seksi pasi çdo muskul në trupin e tyre është i dukshëm. Vajzat gjithashtu e duan rezistëncën, elasticitetin dhe qëndrueshmërinë e tyre. Imagjinoni një djalë që mund të vrapojë për 90 minuta (pa minutat shtesë)...

Janë shumë të paguar

Paratë janë shenjë e suksesit dhe kush nuk tërhiqet nga njerëzit e suksesshëm (dhe të pasur)?!

Dinë të menaxhojnë mirë kohën

Fakti që lojtarët e futbollit janë tepër të saktë në menaxhimin e kohës gjatë ndeshjes (sigurisht duke u munduar në maksimum), i bën ata të jenë më tërheqës sepse mendohet se mund të balancojnë jetën personale njësoj siç balancojnë në mënyrë të përsosur topin e futbollit në këmbë. Menaxhimi i kohës është një faktor thelbësor në një marrëdhënie që të gjithë duhet ta zotërojnë dhe çdo futbollist e bën këtë.

Përgjithësisht janë miqësorë dhe të sjellshëm

Futbollistët nuk njihen si arrogantë ose të pasjellshëm, shumica prej tyre janë “me këmbë në tokë” pavarësisht suksesit. Për vajzat është shumë tërheqëse kur një djalë i pashëm me para nuk sillet sikur është më i mirë se gjithë të tjerët. Një tjetër arsye mund të jetë që i imagjinojnë si baballarët e fëmijëve në të ardhmen dhe duan që partneri i tyre të jetë miqësor me të gjithë, sepse kjo do të thotë se do të kenë një marrëdhënie shumë të mirë edhe me fëmijët.

Kanë shumë vetëbesim

Kur je i pasur, i pashëm dhe i dashur sigurisht që ndikon në një vetëbesim të lartë dhe kjo është arsyeja pse futbollistët janë kaq të sigurt në fushë dhe në jetën personale. Disa prej tyre kanë shumë vetëbesim, por mund të bëhen edhe arrogantë ndonjëherë. Vajzat e duan vetëbesimin madje më shumë se paratë dhe trupat e tyre tërheqës.