Grimes dhe Elon Musk u bënë prindër për herë të dytë dhe u ndanë sërish, por nëse ende nuk i keni procesuar këto ngjarje, nxitoni pasi ka akoma. Duket se Grimes, jo vetëm që mund të mbajë sekret lajmin e një bebushi të dytë për 9 muaj me radhë, por edhe një të dashur të re, me të cilën po bashkëjeton kohët e fundit.
Burime për Page Six thonë se këngëtarja është në një lidhje romantike me aktivisten amerikane, Chelsea Manning.
"Gjërat po bëhen serioze me romancën e tyre. Vajzat kanë filluar të jetojnë bashkë në Austin."
Përsa i përket marrëdhënies me Elon Musk, reagimi i fundit i Grimes ishte në 10 mars, ku përmes një postimi në Twitter tha se janë ndarë sërish, por pavarësisht kësaj, ai mbetet shoku i saj më i ngushtë dhe "dashuria e jetës".
Grimes dhe Elon ashtu siç e kishin parashikuar, u bënë prindër të dy fëmijëve. Vajza, (emri i së cilës është Exa Dark Sideræl dhe shkurt thjesht Y), erdhi në jetë përmes një nëne surrogate në dhjetor të vitit 2021, disa muaj pasi ajo dhe manjati i teknologjisë ishin ndarë pas tri vitesh.