Kokaina Rozë (Pink Cocaine) është termi që përdoret në zhargonin e përditshëm për substancën e quajtur synthetic phenylethylamine 2C-B. Kjo është një lloj droge shumë popullore kohët e fundit që përgjithësisht përdoret nëpër club-e dhe festa, për shkak të efektit të tij psikoaktiv.
Në fakt "kokaina rozë" është emërtim i gabuar pasi nuk ka asnjë ngjashmëri kimike me kokainën.
Po çfarë është kokaina rozë?
Kimisti Alexander Shulgin i Harvard-it, i njohur për punën e tij me Methylenedioxymethamphetamine- (MDMA ose ekstazi), zhvilloi fillimisht (phenylethylamine ?2C-B) në fillim të viteve 1970-të. E marketuar dhe e shitur si substancë që rrit libidon dhe trajton problemet me ereksionin, Phenylethylamine 2C-B u quajt më vonë Performax ose Erox.
Në 1995-ën, autoritetet përkatëse e klasifikuan drogën si një substancë të kontrrolluar të Programit 1, pasi arritën në përfundimin se nuk kishte përdorim të pranueshëm mjekësor dhe shanset se me të mund të abuzohej ishin të larta.Gjatë dekadës së fundit "kokaina rozë" po bëhet gjithnjë e më shumë popullore si "drogë argëtuese" nëpër clube. Fillimisht u përdor në Amerikën Qëndrore dhe Jugore, aty ku edhe u njoh si kokaina rozë apo Bromo. Prodhuesit e barnave zakonisht e prodhojnë këtë lloj droge si pilul ose pluhur.
Cilat janë efektet?
Pasi e merr, efektet e kokainës rozë arrijnë kulmin pas 2 orëve, por efekti mund të zgjasë nga 4 deri në 8 orë. Në varësi të sasisë së marrë varen edhe efektet e saj. Në doza të vogla, kokaina rozë mund të shkaktojë rritje të rrahjeve të zemrës, rritje të dëshirës seksuale dhe ndjesi euforie të lehtë. Në doza të larta, shkakton aritmi, të përziera, haluçinacione dhe shtim te tensionit të brendshëm.
Nëse merret në doza shumë të larta, kjo drogë shkakton probleme me frymëmarrjen, gjendje deliri e cila mund ta çojë personin në hipotermi ose një arresti të mundshëm kardiak.
Duke qenë se prodhohet në laboratorë të paligjshëm dhe nuk është i autorizuar nga FDA-ja, shpesh është e pamundur të dini sesa e fortë është doza që po merrni. Prodhuesit mund ta kombinojnë kokainën rozë me kimikate të tjera të panjohura, të cilat mund të rrisin efektet negative ndjeshëm.
Kokaina rozë VS kokaina: Ku ndryshojnë?
Ngjashmëria e vetme është se prej të dyjave mund të krijosh varësi. Kokaina është një formë e përqëndruar dhe e rafinuar e bimës së coca-s që njihet ndryshe si hidroklorur kokaine. Kokaina vepron si stimulues, prandaj gjen vend edhe në disa aplikime mjekësore.
Kurse kokaina rozë, është e krijuar në mënyrë artificiale (drogë sintetike) që i arrin efektet e tij psikoaktive përmes sistemit të serotoninës së trupit.
A mund të bëhesh i varur prej saj?
Kokaina rozë mund të të krijojë varësi shumë shpejt dhe të shkaktojë efekte negative afatgjata. Në Argjentinë po përdoret në masë nga të rinjtë të cilët e njohin me emrin "Tuci". Fillimisht hyri në vend prej elementëve kriminalë të lidhur me Kolumbinë dhe konsumohej ne festat me muzikë elektronike në mënyrë sekrete. Aktualisht, kokaina rozë është droga më e shtrenjtë dhe ajo më e rrezikshmja në tregun e drogërave.
Burimi: WorldCrunch, Riverside Recovery
