Në vitin 2022, për shkak se asnjë rrjet social nuk është i sigurt, LinkedIn është një ekosistem në të cilin një lloj i ri ndikuesi (influencer) - një LinkedInfluencer - mund të lulëzojë. Por "creators", siç i quan zyrtarisht platforma, nuk janë këtu për të ndarë blerjet e tyre në Amazon ose atë që hanë brenda një dite. Ata po shkruajnë postime frymëzuese rreth mënyrës sesi e tregtojnë veten te rekrutuesit, pavarësisht se nuk kanë përvojë "të vërtetë" të "punës" dhe thellohen me histori personale për shefat e këqij e shumë më shumë se kaq.

Natalie Riso, për shembull, 25 vjeç, është ndoshta një nga “influencueset” e para. Në vitin 2018, ajo u bë studentja më e ndjekur e kolegjit në platformë me postime si se si puna e saj e parë, në industrinë e ushqimit të shpejtë, e përgatiti atë për punën e parë pas diplomimit.

Synimi fillestar i Riso-s ishte të përdorte postimet e saj në LinkedIn si një portofol shkrimi kur aplikonte për pozicione pune. Por teksa ajo vazhdoi të postonte histori pune jashtëzakonisht të sinqerta, shpesh tre herë në javë, audienca u rrit, duke arritur përfundimisht rreth 400,000 ndjekës.

Kjo e ndihmoi atë të merrte një punë marketingu, pas së cilës e ktheu përmbajtjen e saj në LinkedIn për të shkuar më në thellësi në industrinë e saj të ëndrrave: teknologjinë. 

Gjatë këtij rrugëtimi, ndikimi i saj në LinkedIn solli  aktivitete me pagesë, si dhe një marrëveshje sponsorizimi me Bumble Bizz.

Thënë këto, ndoshta ka ardhur koha t’i kushtoni vëmendjen e duhur LinkedIn dhe ta përdorni atë si një platformë ku më shumë se gjithçka, marketoni veten, profesionalisht. Suksese!

Artikuj të rekomanduar:

Burimi: Cosmopolitan