Këto 2-3 vitet e fundit (që në fakt po na duken si shekull) me pandeminë nëpër këmbë, njerëzit në mbarë botën kanë ndryshuar mënyrën e sjelljes kundrejt të tjerëve, sidomos kur bëhet fjalë për të pershëndetur dikë ose për t’i shprehur dashuri dikujt. Megjithatë, me ndryshimin deri diku të situatës është bërë më e thjeshtë të takohemi me njerëzit tanë të dashur, kështu keni edhe mundësinë të përmirësoni mënyrën se si t’i jepni përqafimin perfekt një femije ose një të rrituri.

Nëse nuk e dinit, gjatë një përqafimi neuronet lëshojne “sinjale” (të cilat kanë përfitime shëndetësore të vërtetuara tashmë shkencërisht), disa prej tyre përfshijnë hormonin oksitocinë i cili luan një rol shumë të rëndësishëm në rrahjet e zemrës, reduktimin e stresit, ankthit, duke na bërë kështu të ndihemi më mirë, më të relaksuar dhe të flemë gjumë më mirë. (personat “antisocialë” me siguri as nuk e kanë hapur këtë artikull, kështu që vazhdojmë…)

 - Shtrëngimi

Përqafimi është më tëpër se një kontakt fizik dhe që të realizohet perfekt nuk duhet të jepet si përkëdhelje. Kur gjatë përqafimit bëjmë një shtrëngim (“shtrydhje kockash”) krijohet një lloj presioni për receptorët mbrojtës duke dërguar sinjal sigurie në sistemin nervor, kështu zvogëlohet ankthi pasi aktivizohet nervi i quajtur “simpatik” (yeah like you!)

“A ka rëndësi se sa fort e shtrëngojmë dikë gjatë përqafimit?” Sipas një artikulli nga Universiteti Toho në Japoni ka shumë rëndësi mënyra dhe niveli i shtrëngimit, gjë të cilën e konfirmuan pas një studimi me fëmijë. Disa foshnje u përqafuan në nivele të ndryshme shtrëngimi duke iu matur ndërkohë efekti qetësues. Mbajtja lirshëm e foshnjave i qetësoi vetëm pak, shtrëngimi i fortë u bë shqetësues për ta, kështu që dolën në përfundimin se mënyra më e mirë është një përqafim mesatar dhe jo për shumë gjatë sepse u krijon bezdi.

- Kohëzgjatja

Siç përmendëm më parë, gjatë përqafimit lëshohet hormoni oksitocinë duke stimiluar të kundërtën e stresit ku sipas studimeve ndihmon në parandalimin e depresionit pas lindjes, ndihmon në komunikimin pozitiv (më pak sherre për çiftet), ul nivelin e kortizolit të pështymës tek foshnjet duke patur më pak të qara. Në artikuj të ndryshëm jo-shkencore në internet, përqafimi duhet të zgjasë 20 sekonda, por në fakt sipas shkencëtarëve që kanë relizuar disa studime me njerëz të ndryshëm, koha nuk është e rëndësishme sepse mund të variojë sipas situatave dhe gjendjes emocionale, mjafton të zgjasë aq sa personi tjetër të ndihet i relaksuar dhe më i qetë.

- “Përqafohu” edhe emocionalisht

Ndonjëherë as nuk e ndjejmë ta perqafojme dikë, por në rast se doni vërtet që dikujt t’i jepni pak nga energjia juaj që të ndihet më mirë, duhet ta “përqafoni” sa më tepër emocionalisht, ta bëni të ndihet mirë me një përqafim të ngrohtë duke e patur mendjen aty dhe tek ndjesitë që po shkëmbeni, pa asnjë shpërqëndrim tjetër, të paktën për atë moment.

Burimi: Forbes