Kompania AstraZeneca raportoi të dhënat e një hulumtimi që tregon se ilaçi Enhertu ndihmon pacientët me një lloj kanceri të gjirit të jetojnë më gjatë.
Enhertu rriti normat e mbijetesës te pacientët me kancer të gjirit në fazat e pashërueshme. Kjo shënon herë e parë që një terapi e tillë ka treguar se ka përfitime për pacientët me këtë formë të kancerit të gjirit, tha AstraZeneca.
Rezultatet “mund të riformësojnë mënyrën se si klasifikohet dhe trajtohet kanceri i gjirit,” shkroi në deklaratë Susan Galbraith, nënkryetare ekzekutive e kompanisë për kërkimin dhe zhvillimin e onkologjisë.
Trajtimi me Enhertu tregoi një përmirësim të rëndësishëm në mbijetesën pa zhvillim të mëtejshëm të kancerit - sa kohë mund të jetojë një pacient pa përkeqësimin e sëmundjes - si dhe mbijetesën e përgjithshme, tha kompania.
Të dhënat do të paraqiten në një mbledhje të ardhshme mjekësore dhe do t’u jepen autoriteteve shëndetësore globale.
Artikuj të rekomanduar në lidhje me kancerin:
- Dita Botërore e Kancerit: Çfarë duhet të dini, sot më shumë se kurrë
- Shkencëtarët po krijojnë një test revolucionar për të zbuluar katër lloje të kancerit te gratë
- 5 gra tregojnë se çfarë NUK duan që njerëzit t’u thonë për kancerin e gjirit
- Çfarë është sëmundja Paget e gjirit
- Cilat janë shenjat paralajmëruese të kancerit të gjirit, te burrat dhe gratë
