Zyrtarët paralajmërojnë banorët e Kievit për luftime në rrugë

Associated Press raporton se zyrtarët e Kievit po paralajmërojnë banorët se luftimet në rrugë janë duke u zhvilluar kundër forcave ruse dhe ata po u bëjnë thirrje njerëzve të kërkojnë strehim.

Paralajmërimi i lëshuar mëngjesin e së shtunës i këshilloi banorët të qëndronin në strehimore, të shmangnin daljen pranë dritareve ose ballkoneve dhe të merrnin masa paraprake që të mos goditeshin nga mbeturinat ose plumbat.

Biden jep 350 milionë dollarë ndihmë ushtarake për Ukrainën

Reuters raporton se presidenti Joe Biden ka udhëzuar Departamentin e Shtetit të SHBA-së që të lëshojë 350 milionë dollarë ndihmë ushtarake për Ukrainën, teksa ajo përpiqet të zmbrapsë pushtimin rus.

Në një memorandum për Sekretarin e Shtetit Antony Blinken, Biden urdhëroi që 350 milionë dollarë të akordohen përmes Aktit të Ndihmës së Jashtme për mbrojtjen e Ukrainës.

Emra të njohur në Rusi i bashkohen protestave kundër luftës në Ukrainë; arrestohen rreth 1800 njerëz

Emra të njohur në Rusi janë tronditur nga pushtimi i Ukrainës dhe kanë dalë publikisht kundër luftës, pavarësisht nga rreziqet profesionale dhe personale që vijnë me mospajtimin për një çështje kaq të ndjeshme në Rusi.

Më shumë se 1,800 njerëz u arrestuan në mitingjet në të gjithë vendin, pasi emra të njohur nga bota e argëtimit, biznesit dhe gazetarisë rrezikuan jetën për të ngritur zërin e tyre për një çështje tronditëse si sulmi ndaj Ukrainës.

Presidenti ukrainas refuzon të largohet nga Kievi

Luftimet e ashpra shpërthyen në Kiev ndërkohë që forcat ruse u përpoqën të drejtoheshin drejt qendrës së qytetit nga drejtime të shumta në orët e para të së shtunës. Presidenti ukrainas, Volodomyr Zelenskiy, refuzoi ofertën e SHBA-së për ta evakuuar atë nga kryeqyteti.

“Ka shumë informacione të rreme në internet që unë i bëj thirrje ushtrisë sonë të lërë armët dhe se ka evakuim,” tha presidenti. "Jam këtu. Ne nuk do të dorëzojmë armët. Ne do të mbrojmë shtetin tonë.”

Zelenskiy më herët iu kërkua të largohej nga Kievi me urdhër të qeverisë amerikane, por e hodhi poshtë ofertën, sipas një zyrtari të lartë të inteligjencës amerikane. Zyrtari citoi presidentin ukrainas të ketë thënë se "lufta është këtu" dhe se ai kishte nevojë për municion antitank, jo "xhiro me makinë".

Reklamat e medias shtetërore ruse ndalohen nga Facebook

Meta Platforms, kompania mëmë e Facebook, po ndalon mediat shtetërore ruse të shfaqin reklama ose të fitojnë para në platformën e saj kudo në botë.