Tërmetet në Santorini, mijëra njerëz braktisin ishullin
Situata vijon të jetë kaotike në Santorini pas lëvizjeve të forta sizmike që ishulli përjetoi.
Mijëra banorë dhe punëtorë sezonalë janë larguar nga Ishujt Cikladikë pasi tërmete deri në 5 ballë janë regjistruar në rajonin vullkanik që nga e premtja. Operatorët e trageteve dhe fluturimeve kanë shtuar shërbime për të përballuar largimet.
Ndërkohë, më shumë ishuj grekë mbyllën shkollat të martën. Santorini anuloi më parë eventet publike, kufizoi udhëtimin në ishull dhe ndaloi punimet në zona të caktuara. Tërmetet kanë shkaktuar dëmtime në disa ndërtesa të vjetra, por nuk raportohet për të lënduar.
Trump propozon zhvendosjen e palestinesëve
Presidenti i SHBA, Donald Trump, propozoi zhvendosjen e përhershme të palestinezëve nga Gaza e shkatërruar nga lufta , duke e quajtur enklavën një "vend i shkatërruar" të martën ndërsa zhvilloi bisedime me kryeministrin izraelit, Benjamin Netanyahu.
Trump përsëriti thirrjen e tij për Jordaninë, Egjiptin dhe shtetet e tjera arabe, duke thënë se palestinezët nuk kishin alternativë tjetër veçse të braktisnin rripin bregdetar, i cili duhet të rindërtohet pas gati 16 muajsh të një lufte shkatërruese midis Izraelit dhe militantëve të Hamasit.
Por këtë herë Trump tha se do të mbështeste zhvendosjen e palestinezëve "përgjithmonë", duke shkuar përtej sugjerimeve të tij të mëparshme që udhëheqësit arabë tashmë i kishin kundërshtuar me vendosmëri.
Sulm me armë në shkollë, 10 të vrarë në Suedi
Të paktën dhjetë persona janë vrarë nga të shtënat në një shkollë në qytetin suedez, Örebro, të martën, sipas autoriteteve.
Policia suedeze tha se ata besojnë se i dyshuari - një burrë - është në mesin e viktimave. Autoritetet thanë se autori ka vepruar i vetëm, por shtuan se hetimi ishte ende në fazat e hershme.
Aktualisht nuk mendohet të jetë një motiv terrorist pas sulmit.
"Ne po punojmë me shërbimet sekrete, por është një person i panjohur për policinë," tha shefi i policisë lokale.
Shkolla, e quajtur Risbergska, ka student mbi moshën 20-vjeçare, e cila ofron kurse të shkollës fillore dhe të mesme, kurse për gjuhën suedeze për emigrantët, trajnime profesionale dhe programe për personat me aftësi ndryshe.
Ursula von der Leyen: “Jemi gati për të negociuar me SHBA-në”
Bashkimi Europian është gati të angazhohet në “negociata të ashpra” me Donald Trump për të parandaluar një luftë tregtare midis dy anëve të Atlantikut, tha Ursula von der Leyen të martën, një ditë pas marrëveshjeve të fundit që Kanadaja dhe Meksika arritën me Shtëpinë e Bardhë për të shmangur përkohësisht vendosjen e tarifave prej 25%.
Trump paralajmëroi të dielën se tarifat kundër bllokut “do të ndodhin me siguri” dhe do të hynë në fuqi shumë shpejt, duke vënë në alarm zyrtarët dhe diplomatët në Bruksel.
“Ne do të jemi gati për negociata të ashpra kur të jetë e nevojshme dhe për të gjetur zgjidhje kur të jetë e mundur, për të shqyrtuar çdo ankesë dhe për të vendosur themelet e një partneriteti më të fortë. Ne do të jemi të hapur dhe pragmatikë për të arritur këtë,” tha presidentja e Komisionit Evropian në mbledhjen vjetore të të Dërguarëve të BE-së në Bruksel.
Marrëveshjet me Kanadën dhe Meksikën, të njoftuara menjëherë pas bisedave telefonike të veçanta midis kryeministrit kandaezm Justin Trudeau dhe presidentes, Claudia Sheinbaum me Trump, sugjerojnë se Republikanët i shohin tarifat si një mjet të politikës së jashtme për të marrë koncesione nga kombet e tjera, përfshirë aleatët e ngushtë, dhe jo për të ristrukturuar marrëdhëniet tregtare, siç kishte pretenduar gjatë fushatës Trump.
