"Siguria jonë nën kërcënim": Presidenti i Izraelit i bashkohet thirrjeve për të hequr dorë nga reforma në drejtësi

Plani i kryeministrit Benjamin Netanyahu për të zbatuar një reformë në sistemin gjyqësor po përballet me kundërshtime dhe si pasojë, presidenti i vendit bëri thirrje për ndalimin e menjëhershëm të ndryshimeve.

Reformat ligjore kanë shkaktuar një nga krizat më të rënda të brendshme të Izraelit dhe janë kundërshtuar nga drejtuesit e biznesit, zyrtarët ligjorë, madje edhe ushtria e vendit.

NATO kritikon Putinin për retorikën “e rrezikshme bërthamore”

NATO thotë se plani i Vladimir Putin për të vendosur armë bërthamore taktike në Bjellorusi është "i rrezikshëm dhe i papërgjegjshëm". Putin e krahasoi planin e tij me SHBA-në që vendos armët e saj në Europë, duke këmbëngulur se Rusia nuk do të shkelte premtimet e saj përsa i përket mospërhapjes së sulmeve bërthamore.

Vendimi, megjithëse jo i papritur, është një paralajmërim për NATO-n në lidhje me mbështetjen e ushtarake për Ukrainën.

Stabiliteti financiar global në rrezik për shkak të trazirave bankare

Kryetarja e Fondit Monetar Ndërkombëtar ka paralajmëruar se ekonomia globale përballet me rreziqe për stabilitetin e saj financiar për shkak të turbulencave në sektorin bankar.

Kristalina Georgieva tha se ekonomia botërore do të zgjerohej me vetëm 3% këtë vit për shkak të rritjes së kostove të huamarrjes, e kombinuar me luftën në Ukrainë dhe plagët nga pandemia Covid-19.

‘Bomba e popullsisë’ mund të mos shpërthejë kurrë, zbulon studimi

“Bomba e popullsisë” – mbipopullimi në nivele ekstreme i planetit – mund të mos shpërthejë kurrë, sipas një raporti të ri. Studiuesit mendojnë se popullsia globale mund të arrijë një maksimum prej 8.8 miliardë njerëz para mesit të shekullit dhe më pas të bjerë me shpejtësi.

Kulmi mund të vijë edhe më herët nëse qeveritë ndërmarrin hapa progresivë për të rritur të ardhurat mesatare dhe nivelet e arsimit. Parashikimet e reja janë një lajm i mirë për mjedisin.