Genta Ismajli, pak kohë më parë u bë për herë të parë nënë e dy binjakëve. Këngëtarja solli në jetë në janar një djalë dhe një vajzë, emrat e të cilëve i ka bërë publik vetëm tani, përmes mënyrës që së fundmi është kthyer në trend për bebushat.

Ajo dhe partneri kanë hapur një llogari Instagrami binjakëve që quhen Ivy Blue dhe Icon. Duket se çifti përveçse ka dashur emra të veçantë, zgjodhi diçka shumë larg shqipes. Ivy Blue me siguri do t'ju kujtojë Beyonce-n, vajza e madhe e të cilës quhet Blue Ivy, e ndërsa Icon-"Ikonë" për vogëlushin.

Në nëntor të 2021-shit, Genta përmes një postimi në Instagram njoftoi se është në pritje të ëmbël të jo një, por dy bebushave duke zgjedhur që çdo detaj tjetër ta mbajë sa më privatë të jetë e mundur.