Për disa, Shën Valentini është ditë e shënuar, e për ca të tjerë është thjesht 14 shkurti. Sido ta perceptoni, nuk bëni keq nëse merrni një copëz letra dhe i lini gjysmës më të mirë një nga mesazhet më poshtë!
1. "Ti je pjesa më e bukur e gjithë ditës sime."
Kjo është deklaratë sa e ëmbël, aq edhe e vërtetë. Nëse jeni të dashuruar dhe jetoni me partnerin,mezi prisni të ktheheni në shtëpi për t'i dhënë një përqafim apo jo? Pjesa më interesante e ditës është ritakimi me të pas lodhjes nga puna.
2. "Faleminderit që je gjithmonë me mua, pavarësisht të gjithave."
Të gjithë ne kalojmë periudha stresuese në jetë, por e rëndësishme është që në një lidhje të mirë, ju të dy të jeni ekip. Falenderoje nëse të mbështet në çdo situatë, për t'i treguar që e vlerëson dedikimin e tij.
3. "Ti gjen gjithmonë mënyrën më perfekte që unë të qesh."
Kjo është më pak romantike, por shumë sensuale. Buzëqeshjet janë ato që na e bëjnë përditshmërinë më pak të vështirë, kështu që falenderojeni njeriun që ju bën për të qeshur në mënyrë konstante.
4. "Mjafton të kap dorën tënde që gjërat të bëhen më mirë."
Kur ju shtrëngoni duart me njëri-tjetrin, është më shumë se aq. Bashkoheni në 1 njeri të vetëm dhe kjo tregon se pavarësisht problemeve të rutinës, keni gjithmonë dikë.
5. "Fiksimi im për ty rritet çdo ditë e më shumë"
Kur keni mbi 10 vite bashkë dhe e doni fiks si ditën e parë!
6. "Ti më bën të jem njeri më i mirë"
Nëse keni arritur në një përfundim si ky, bëni mirë ta thoni me zë të lartë. Eshtë për t'u vlerësuar.
7. "Nuk e dija sa të mira mund të ishin lidhjet derisa të takova ty."
Ndonjëherë na duhet të vuajmë a të lëndohemi për të kuptuar që njeriu i duhur thjesht s'ka ardhur akoma. Përputhshmëria është e mrekullueshme dhe fakti që dy njerëz kuptohen mirë çelësi kryesor.
8. "E shoh që tani veten të plakem me ty"
Ku ka deklaratë më të bukur dashurie sesa t'i thuash dikujt që e sheh të ardhmen dhe gjithë jetën me të.
Burimi: Bustle
