Kylie Jenner është zyrtarisht mama e dy fëmijëve! Ajo dhe Travis Scott u bënë sërish prindër, por kësaj here të një djali. Lajmin e konfirmoi vetë Jenner përmes një postimi në Instagram, ku zbuloi se bebi zgjodhi të vinte në një datë krej të veçantë në fillim të shkurtit.
"2/2/22"- shkruan Kylie në foton ku duket dora e të porsalindurit bashkuar me të sajën.
Fotoja e publikuar ishte thuajse e njëjtë me atë që publikoi rreth 4 vite më parë kur lindi Stormi.
"Ajo është përpjekur prej kohësh që Stormi të ketë një vëlla ose motër. E do shumë mëmësinë dhe është më shumë se e lumtur që është sërish shtatzënë. Gjithë këtë periudhë e ka kaluar me miqtë e ngushtë dhe familjarët."- u shprehën pak kohë më parë burimë për People.
Në fakt, Kylie dhe Travis kanë folur për një bebush të dytë pak muaj pas ardhjes në jetë të Stormi-it.
"Unë sigurisht që dua më shumë fëmijë, por pyetja është se kur. Unë dua të kem 7 vajza dhe pastaj mund të konsideroj një djalë."- u shpreh Kylie kur Stormi ishte ende 7 muajshe, pa e ditur se pak vite më vonë do të vinte një bebush, emri i të cilët është ende sekret.
