E mendoni dot të hani të njëjtin vakt, çdo ditë, jo për një, as për dy, as për 10, por për plot 25 vjet me radhë. Sigurisht që nuk e mendoni ndaj me siguri u habitët kur lexuat titullin.
Gjatë një bisede në podkastin e “River Café Table 4” me Ruth Rogers, David Beckham zbuloi se bashkëshortja e tij ha vetëm peshk të pjekur në skarë dhe perime të ziera në avull.
“Që kur e kam takuar, ajo ha vetëm peshk të pjekur në skarë, perime në avull. Shumë rrallë devijon nga kjo,” tha Beckham.
Herën kur Victoria nuk hëngri pjatën e preferuar David e kujton më së miri pasi ishte një mbrëmje e mrekullueshme kur ishte shtatzënë me vajzën Harper.
Ish-anëtarja e Spice Girls e ka diskutuar më parë dietën strikte në një episod të podkastit të “River Café Table 4”. “Jam e mërzitshme në departamentin e ushqimit. Ok, çfarë më pëlqen? Më pëlqen tosti me drithëra integrale me kripë sipër.”
Gjatë intervistës, Victoria shpjegoi gjithashtu se ajo është një "ngrënëse shumë e lodhshme". Për The Sun, Beckam është shprehur:
"Për shumicën e restoranteve unë jam ndoshta makthi i tyre më i keq. Më pëlqejnë disa perime të ziera në avull dhe pak uthull balsamike. Më pëlqen që gjërat të gatuhen në një mënyrë shumë të thjeshtë. Nuk më pëlqejnë vajrat, gjalpi apo salcat".
Mënyrat e thjeshta të Victoria-s kanë arritur të befasojnë edhe të famshmin chef Gordon Ramsay, të cilin ajo e ka përshkruar si "një mik shumë të mirë". Ramsay nuk ka parë kurrë dikë më të disiplinuar se Victoria përsa i përket mënyrës se si ushqehet.
