Hyrja e Mozzik në “Big Brother VIP” për të performuar për banorët shkaktoi diskutime mes këtyre të fundit, disa prej të cilëve e komentuan si mungesë respekti ndaj të tjerëve dhe favorizim ndaj Donaldit.
"Desha të cekja se unë vij nga jashtë dhe vij me atë idenë e publikut, me pëlqimin e publikut. Kam ardhur t'i argëtoj të gjithë që janë këtu, por më së shumti kam ardhur t'i uroj fitoren Donaldit," u shpreh Mozzik kur ishte i ftuar.
“Banorët janë lajmëruar se një situatë e pakëndshme e krijuar në fund të spektaklit të natës së kaluar ka shqetësuar, ka mërzitur banorët e tjerë. Ka qenë një situatë ku janë shkelur rregullat kryesore të këtij ‘Big Brother’, fillimisht nga një artist i kontaktuar nga Top Channel që patjetër ne e vlerësojmë që ka ardhur dhe e respektojmë, por nuk e ka respektuar marrëveshjen paraprake që ka patur me televizionin për të qëndruar i paanshëm në ardhjen e tij dhe natyrisht është përgjegjësia e tij të cilën do ta mbajë në vijim.” – tha në spektaklin e djeshëm moderatorja Arbana Osmani.
Në një postim tashmë të fshirë në Instagram, Mozzik shkruan, “qëllimi im ishte shumë i qartë dhe i pastër. Unë ika për të përkrahur shokun tim, Donaldin, dhe e thashë qartë që të gjithë jeni të mirë, por Donaldi është mjalti i shtëpisë!”
Kujtojmë se Donaldi u dënua nga “Big Brother” për faktin që ftoi reperin brenda ambienteve të shtëpisë (u vendos automatikisht në nominim dhe nuk u përfshi në televotim për shpalljen e finalistit të parë). Përsa i përket kësaj, Mozzik tha:
“Dhe tani këta i bëjnë po*dhë koti, jo dënime jo çdënime. [I thonë] jo po fute brenda aty, theve rregullat. Shkurt. Shqip. Qartë. Donaldi duhet të jetë fitues se është më i dashuri i publikut.”
