Pas puntatës së djeshme kur ishte e paqartë se si do të vijonte rrugëtimi i Einxhel, produksioni i “Big Brother VIP” ka vendosur që ajo të rikthehet sërish në lojë.

“’Big Brother’ ka vendosur pas konsultimit me ekipin mjekësor se Einxhel është në gjendje të mirë shëndetësore dhe së shpejti do të rikthehet në garë duke iu bashkuar shtëpisë më të famshme në shtëpi,” shkruan faqja e programit në Instagram.

Einxhel la shtëpinë përkohësisht për shkak se dëmtoi krahun gjatë një loje në shtëpi. Ajo iu nënshtrua një operacioni dhe pritet që t’u bashkohet konkurrentëve te tjerë në shtëpi.

Mbrëmjen e djeshme, moderatorja Arbana Osmani pyeti banorët në lidhje me mendimin e tyre për situatën - pra, a ishin dakord që Einxhel të rikthehej në shtëpi - dhe ata u përgjigjën me "po".