Einxhel Shkira do të lërë për pak shtëpinë e Big Brother Vip, për shkak të një incidenti të ndodhur mbrëmjen e djeshme teksa luante bashkë me Ilirin.

Einxhel duket se ka lënduar krahun, por ndonëse ka marrë menjëherë ndihmën e parë, do t'i duhet t'i drejtohet spitalit për një trajtim më të specializuar.

"Gjatë mbrëmjes së djeshme banorja Einxhel Shkira ka lënduar krahun. Ajo ka marrë menjëherë ndihmën e nevojshme nga stafi mjekësor, por do t'i duhet të marrë trajtim më të specializuar. Einxhel duhet të niset drejt spitalit duke u detyruar kështu të lërë për pak kohë shtëpinë e "Big Brother"."- shkruhet në njoftimin e publikuar në faqen zyrtare të Instagramit të Big Brother.

Në njoftim thuhet gjithashtu se Einxhel do të jetë e monitoruar gjatë gjithë kohës nga kamerat, derisa t'i ribashkohet shtëpisë dhe banorëve të tjerë.