Këngëtarja është bërë nënë për herë të parë, por siç duket do të presë ca derisa ta konfirmojë publikisht lajmin. Burime për Prive bëjnë me dije se binjakët kanë ardhur në jetë aty nga mesi i dhjetorit, ndonëse Genta është përpjekur ta mbajë lajmin shumë larg portaleve dhe rrjeteve sociale.

Ajo dhe partneri i saj Usta, janë bërë prindër të një vajze dhe një djali. Po të njëjtat burime thonë se bebushat kanë lindur në Zvicër, aty ku bashkëshorti i Ismajlit jeton dhe punon.

Në nëntor të 2021-shit, Genta përmes një postimi në Instagram njoftoi se është në pritje të ëmbël të jo një, por dy bebushave.

Ndonëse këngëtarja bëri të ditur se binjakët do të vijnë në jetë në janar, duket se bebushat kanë vendosur të mos presin aq gjatë!