Një nga nominimet më të forta dhe të komentuara të “Big Brother VIP” gjeti përballë njëri-tjetrit Einxhel, Beatrix dhe Donald dhe banori i zgjedhur nga publiku për të lënë shtëpinë është Beatrix.
Javën e kaluar, Arbri hapi kutinë e pandorës dhe zgjodhi të vendoste në nominim çiftin Donald-Beatrix dhe Einxhel. Mbrëmjen e sotme, pas përfundimit të televotimit, moderatorja Arbana Osmani njoftoi se banori më pak i votuar është Beatrix.
Beatrix e nisi rrugëtimin në reality show më 27 tetor, së bashku me Einxhel dhe Sara Berishën, një rrugëtim ndër më të komentuarit për këtë edicion, sidomos pas lidhjes së shumëpërfolur me Donaldin.