Një vajzë belge-britanike, Zara Rutherford, ka hyrë në librat e rekordeve duke u bërë gruaja më e re që fluturon e vetme nëpër botë.

Zara Rutherford, 19 vjeç, u ul në aeroportin Kortrijk-Wevelgem në Flanders, Belgjikë pak pas orës 13:00, duke përfunduar një udhëtim prej 52,000 km që realizoi në 31 vende në pesë kontinente.

“Është vërtet çmenduri. Unë nuk e kam perceptuar plotësisht," u tha gazetarëve.

Zara tha se përjetoi “momente të mahnitshme”, por edhe raste kur kishte frikë për jetën e saj.

“Unë do të thoja se pjesa më e vështirë ishte fluturimi mbi Siberi, sepse ishte jashtëzakonisht i ftohtë. Ishte -35 gradë në tokë… Nëse motori do të ndalonte atëherë, unë isha disa orë larg shpëtimit dhe nuk e di se sa kohë mund të mbijetoja.”

Prindërit e Rutherford janë pilotë dhe filluan ta merrnin atë në avionë të vegjël kur ishte e vogël. Në moshën 14-vjeçare asaj iu rrit dëshira për t’u bërë pilote dhe ëndërronte për një udhëtim rreth botës. E kthyer në Belgjikë, ajo ka në plan të studiojë inxhinieri elektrike dhe shpreson të bëhet astronaute.

19-vjeçarja, e cila përmend si frymëzimet e saj pioneren amerikane të aviacionit Amelia Earhart dhe kozmonauten ruse Valentina Tereshkova, theksoi se shpresonte që udhëtimi do të inkurajonte më shumë vajza të merren me shkencë dhe inxhinieri. Zara u shpreh se do të donte që "vajza të tjera të më shihnin dhe të mendonin: "Do të doja të fluturoja një ditë gjithashtu".