Për Adriana Matoshin, mosha është thjesht numër. Asaj, 41 vjeç, i ka bërë përshtypje si partneri i saj, Keith, 22 vjeç, ka mendime njësoj si ajo për të ardhmen, për punën dhe profesionin. “Ndoshta është gjenerata e tij që mendojnë pak më shumë për jetën, jo si ne më përpara që mendonim sot për nesër,” tha aktorja në një bisedë me “Goca & Gra”.

“Më ka bërë përshtypje si një 22-vjeçar është kaq i informuar për jetën, është kaq i pjekur dhe është kaq i hapur në mendime dhe tema të ndryshme. Mua më është përshtatur jashtëzakonisht dhe kam mundur të bisedoj gjithçka për të. Unë nuk i shoh njerëzit për nga mosha,” shtoi ajo. “Unë e them me plot bindje se dashuritë e tilla ekzistojnë.”

Diferenca prej 19 vitesh, goxha e komentuar nëpër rrjete sociale, nuk ka ndikuar në raportin e tyre, sepse siç aktorja u shpreh, ata janë përshtatur më së miri.

Shumë faktorë, nga socialë te fizikë, ndikojnë që marrëdhënie të tilla të funksionojnë më së miri. Për këdo që dëshiron të krijojë një lidhje me një grua më të madhe në moshë ose një djalë më të ri, ne do të shqyrtojmë përfitimet e kësaj marrëdhënieje.

Arsye për të nisur një marrëdhënie me një burrë të ri...

Përputhshmëria seksuale: Një e vërtetë për moshën është se ajo shoqërohet me përvojë. Gratë më të mëdha, pasi kanë lundruar në terrenet seksuale të të 20-ave, 30-tave apo 40-tave, zakonisht e dinë se çfarë duan, çfarë funksionon dhe çfarë duhet të shmanget gjatë seksit. Vendimi për t'u përshtatur me një burrë më të ri mund të jetë një plus për jetën seksuale të një gruaje. Ndërkohë burrat më të rinj janë ende në fazën e të kuptuarit të trupit të një gruaje, gratë mund ta udhëzojnë më mirë.

Trajtimi i sfidave të marrëdhënieve: Gratë, pas një një moshe të caktuar, kanë të ngjarë të kenë kaluar shumë sfida – grindje në çift, thyerje zemre, divorc – të gjitha këto vijnë me përvojat unike. Këto gra gjithashtu mund ta kenë më të lehtë të shprehin çdo pakënaqësi, të cilën mund ta kenë përjetuar më herët në jetën e tyre romantike.

Aventurat: Një avantazh tjetër i lidhjes me një burrë më të ri lidhet me tendencat dhe aktivitetet aktuale. Burrat e rinj kanë qasje nëpër vendet e reja, argëtuese për të ndenjur, inovacione seksuale për t'u provuar, apo edhe ato sfida të tjera që ia vlen të mësohen. Gërshetimi i rinisë dhe një mentaliteti ende në zhvillim, i bën burrat e rinj një zgjedhje tërheqëse për gratë që kërkojnë të përjetojnë më shumë nga jeta.

Dinamika e marrëdhënieve: Në lidhje të tilla, gratë kanë më shumë gjasa të jenë financiarisht të përmbushura. Kjo u jep atyre mundësinë për të ndryshuar rolet tradicionale me një partner më të ri.

Arsye për të nisur një marrëdhënie me një grua më të vjetër...

Vetëbesimi: Mund të jetë jashtëzakonisht e bukur kur një grua më e vjetër dhe me më shumë përvojë, i konsideron ndërveprimet dhe nivelin e inteligjencës së një burri më të ri mjaftueshëm intrigues për ta pasur partner.

Stil i ri jetese: Për burrat që nuk janë të interesuar për të pasur dhe rritur fëmijë, një marrëdhënie me një grua më të vjetër mund të jetë zgjedhja ideale. Me shumë mundësi, gratë më të vjetra e kanë përfunduar ose janë duke e mbyllur atë kapitull të jetës. Kjo lë hapësirë për ta përqendruar vëmendjen te interesi romantik.

Përvojat: Gratë më të vjetra ka të ngjarë të kenë më shumë përvojë në punë dhe jetë sesa gratë më të reja. Një partner më i vjetër mund të shërbejë si një interes romantik si edhe si një vend ku ka gjithmonë diçka për të mësuar.

Dinamika e marrëdhënies: Burrat janë mësuar të marrin përgjegjësi. Kjo dinamikë mund të mos ndodhë gjithmonë me një partnere më të vjetër, pasi ato janë më të sigurta dhe të pavarura financiarisht dhe mund të luajnë shumë role në marrëdhënie.

Aktiviteti seksual: Për shkak se gratë më të vjetra kanë shumë të ngjarë t’i kenë vendosur preferencat e tyre në dhomën e gjumit - kjo mjeshtëri mund të shfaqet gjatë momenteve intime me burrat më të rinj.

Kur merrni vendimin për t’u lidhur me një person më të vjetër/më të ri, prioriteti duhet të jetë krijimi i marrëdhënies më të shëndetshme dhe më të lumtur të mundshme. Për të krijuar një mjedis ideal për partnerin/en, duhet të keni parasysh pikat kryesore të mëposhtme:

- koha cilësore së bashku
- komunikimi i hapur dhe i sinqertë
- ruajtja e intimitetit të marrëdhënies
- respekti për njëri-tjetrin

Çdo lidhje duhet të jetë një përvojë e këndshme dhe intime. Kjo do të thotë që të mos mendosh për çfarë shoqëria ose traditat kanë për të thënë për lidhjen. Në vend që të përqendroheni te ndryshimi i moshës, prioritetet duhet të jetë se çfarë iu bashkon. Çdo marrëdhënie mes dy njerëzve ka sfidat e veta dhe marrëdhëniet grua më e madhe-burrë më i ri nuk janë të ndryshme.

Hendeku në mendësi, siguri financiare, qëllime, përvojë etj. mund të jetë shkak për ndarjen, jo mosha. Njerëzit bien në dashuri me personin, jo me moshën. Për sa kohë që jeni të dashuruar dhe arsye të forta ju bashkojnë, marrëdhënia juaj mund të funksionojë.

Burimet referencë: MedicineNet, Very Well Mind