Xhevdet Ferri, një nga aktorët më të talentuar të kinematografisë shqiptare, ndërroi jetë në moshën 59-vjeçare. Prej pothuajse një jave, sipas Newsbomb.al, aktori qëndronte i shtruar në spital ku kurohej pas diagnostikimit me kancer. Ndonëse u trajtua intensivisht, sëmundja avancoi me shpejtësi.
Mjeshtri i Madh i filmit ishte një nga ikonat e kinematografisë shqiptare në vitet ’80-’90 me dhjetra role protagoniste. Si disa nga filmat më të njohur përmendim “Gjurmë në kaltërsi”, “Hije që mbetën pas”, “Era e ngrohtë e thellësive”, “Dhe vjen një ditë”, “Përrallë nga e kaluara” etj.
Aktori nuk qëndroi larg kinemasë edhe në vitet 2000 me "Saimir" (2004), “Gjoleka, djali i Abazit” (2006), “Gjallë” (2009) apo në “Kërkim të kujt” (2009).
Aktori ishte i martuar me aktoren Rozeta Ferrin, me të cilën ka luajtur në filma si “Dhe vjen një ditë”, “Vitet e pritjes”, “Gjoleka djali i Abazit”.
Ngushëllime familjes!
