Gucci është kritikuar ashpër në rrjete sociale pas publikimit të fushatës së re, në qendër të së cilës ishte Viti i Ri kinez, që në 2022-shin përkon me "Vitin e tigrit". 

Në prezantimin e fushatës kishte tigra të vërtetë dhe kjo revoltoi njerëzit të cilët kritikuan markën për shembullin "e keq" që dhanë. Koleksioni i ri u prezantua nën emrin "GucciTiger" në të cilën kraha veshjeve dhe aksesorëve për burra dhe gra u përfshi tigri dhe macet e egra që qëndronin pranë modelëve. 

Pavarësisht se në përshkrimin e fotove Gucci theksoi se "natyra dhe jeta e egër janë veçanërisht shumë të rëndësishme për markën", nuk i shpëtuan kritikave në qendër të së cilave thuhej se kafshët nuk janë aksesorë zbukurimi.

"Nuk është mirë t'i përfshini kafshët e egra në marketing. Boll i përdorët për reklama."- thuhej në shumicën e komenteve. 

Si përgjigje, marka e famshme italiane tha se kafshët nuk ishin pjesë e setit fotografik dhe se janë fotografuar në mjedise të ndara nga modelët pa u lënduar apo pa i nxjerrë nga zona e tyre e sigurisë. 

As argumenti se filmimet janë bërë në mjedise të ndara nuk i bindi njerëzit dhe as organizatat që janë në mbrojtje të kafshëve. 

"I kërkojmë Gucci-t të ndalojë së robëruari kafshët e egra nëpër fushatat e tyre. Tigrat i përkasin botës së tyre të egër. Viti i Tigrit duhet të rrisë ndërgjegjësimin që këto kafshë kaq të mrekullueshme të mbrohen dhe respektohen edhe më shumë."- u shprehën përfaqësues të World Animal Protection (WAP).

Burimi: The Independent