Një numër në rritje provash tregojnë se varianti Omicron ka më shumë gjasa të infektojë fytin sesa mushkëritë, gjë që shkencëtarët besojnë se mund të shpjegojë pse duket të jetë më infektues, por më pak vdekjeprurës se versionet e tjera të virusit. Gjashtë studime – katër të publikuara që nga fundi i muajit dhjetor – kanë zbuluar se Omicron nuk i dëmton mushkëritë e njerëzve aq shumë sa Delta dhe variantet e tjera të mëparshme të Covid. Studimet ende nuk janë rishikuar nga shkencëtarët e të tjerë.

"Rezultati i të gjitha mutacioneve që e bëjnë Omicron të ndryshëm nga variantet e mëparshme është se ai mund të ketë ndryshuar aftësinë për të infektuar lloje të ndryshme qelizash," tha Deenan Pillay, profesor i virologjisë në University College London. “Në thelb, duket se është më në gjendje të infektojë traktin e sipërm respirator – qelizat në fyt.”

Nëse virusi prodhon më shumë qeliza në fyt, kjo e bën atë më të transmetueshëm, gjë që mund të shpjegojë përhapjen e shpejtë të Omicron. Një virus që infekton indet e mushkërive, nga ana tjetër, do të jetë potencialisht më i rrezikshëm, por më pak i transmetueshëm.

“Indikacionet e hershme janë se është një lajm i mirë, por ky nuk është një sinjal për të hequr kujdesin, sepse nëse je klinikisht i pambrojtur - ka vdekje nga Omicron. Jo të gjithë mund të heqin maskat dhe të festojnë.”