Si do të jetë viti për shenjat e zodiakut? Për një ide të përgjithshme, kemi përmbledhur disa parashikime të disa prej astrologëve më të njohur. Ja çfarë kanë rezervuar yjet për vitin 2022.

Sipas astrologes Susan Miller:

“Teksa fillon viti 2022, Jupiteri është zhvendosur te Peshqit dhe ky është një lajm i mirë që do të sjellë fitime nga puna e bërë një vit më parë, veçanërisht nëse jeni të vetëpunësuar. Jupiteri te Peshqit do të zgjerojë shumë rrethin e miqve, kontakteve dhe kolegëve. Si sundimtari natyror i shtëpisë së parave të njerëzve të tjerë, këta miq dhe kontakte të reja do të kenë një ndikim të drejtpërdrejtë në aftësinë tuaj për të fituar para. Për mundësinë më të mirë për të takuar dikë të ri, kini parasysh Hënën e re të 27 gushtit te Virgjëresha. Mes miqve të rinj që do të bëni, nëse jeni beqarë, dikush mund të kthehet në një interes serioz romantik. Është një vit i bukur! Bëhuni gati!”

Sipas astrologut Prem Kumar Sharma:

“Dem, shijojeni atmosferën dhe vishuni më së miri pasi viti 2022 do të jetë një vit festash. Mund të vëreni rritje të jashtëzakonshme në aspektin personal dhe profesional. Studentët që shpresojnë të marrin ndonjë njoftim nga universitetet e preferuara mund të paketojnë valixhet pasi lajmet e pranimit mund të mbërrijnë në minutën e fundit. Biznesmenët dhe punonjësit e qeverisë janë në pritje të shpërblimeve të mëdha në 2022. I dashuri juaj dhe ju ka të ngjarë të shijoni shkëlqimin martesor përpara fillimit të tremujorit të tretë. Disa prej jush mund të marrin edhe një çmim prestigjioz në gjysmën e dytë të vitit.”

Sipas astrologut Jake Register:

“Ju njiheni për faktin që jeni shumë kokëfortë. Por 2022 është viti juaj për të treguar se jeni *gjithashtu* të vendosur për t’i bërë gjërat që të realizohen. Lidhjet e reja, planet e mëdha të udhëtimit dhe një ndryshim total në perspektivë janë ato që sugjerojnë yjet. Deri më 1 janar 2023, do të jeni një Dem krejtësisht i ri.”

Sipas astrologes @six:

“Mendja juaj po kërkon përvoja të reja dhe shumë njohuri, përmes udhëtimeve (të sigurta!) ose thjesht leximit. Pavarësisht nëse jeni beqarë apo në çift, yjet sugjerojnë se dashuria për veten është mënyra më e mirë për ju këtë vit. Cilat hobi ju ndihmojnë të shkëlqejë më shumë?”

Sipas astrologes Adama Sesay:

“2022 = transformim total për ju, Dem, sepse eklipset e këtij viti janë *të gjitha* në shenjën tuaj ose në shenjën e kundërt, Akrep. Eklipset në shenjën tuaj ndodhin çdo 19 vjet dhe mund të prisni rritje personale, tranzicione afatgjata në karrierë dhe mundësi të reja të qëndrueshme.”

Copyright Anabel.al / Ndalohet ribotimi pa lejen e redaksisë.