Pasi i tha "lamtumirë" "Sex and the City,” a do t’i thotë Kim Cattrall (Samantha) “enchanté” “Emily in Paris?”
Fansat po vërshojnë me komente në rrjete sociale duke pretenduar se aktorja, 65 vjeç, do t’i bashkohet sezonit të tretë të “Emily in Paris” me Lily Collins në rol kryesor.
Të dy, “Sex and the City” dhe “Emily in Paris” janë krijuar nga producenti Darren Star, që do të thotë se nuk është e pamundur që të ndodhë.
Cattrall nuk u shfaq në “And Just Like That” (një vazhdimësi e personazheve dhe historisë së “Sex and the City”) dhe mendohet se shkak ka qenë marrëdhënia jo e mirë me Sarah Jessica Parker. Megjithatë kjo nuk do të thotë se ajo nuk mund të risjellë rolin e saj si publiciste provokuese dhe seksi.
"Do të ishte kaotike dhe argëtuese nëse Darren Starr punëson Kim Cattrall që të jetë shefja e Emily, e quajtur Samantha në një sezon të ardhshëm," shkruan dikush.
Na i merr mendja që do të ishte zgjedhje interesante. Fundja “Emily in Paris” është një “Sex and the City” për gjeneratën Z.
