TV Mania

Në një intervistë të parë, bashkëshorti flet për ndarjen nga jeta të Hueyda El Saied

Shkruar nga Anabel

27 Dhjetor 2021

Në një intervistë të parë, bashkëshorti flet

Në një intervistë të parë televizive, bashkëshorti i të ndjerës Hueyda El Said, foli për sëmundjen, marrëdhënien me të birin dhe dëshirën për të publikuar një libër me kujtimet e saj.

“Është një shok shumë i madh. Mbetet një peshë e madhe, por përpara se të filloja, do doja të thoja shumë faleminderit për të gjithë mesazhet që kemi marrë nga ana e Shqipërisë. Këtë e them edhe në emër të Gabrielit. Shumë faleminderit,” tha Thierry Grosjean për “ABC-ja e mëngjesit”.

Ai tregoi se mësuan për sëmundjen e saj në korrik të vitit 2019. Thierry tregoi se ishte zgjedhja e Hueydës që ta mbante sekret. “Të gjithë e dinë që ajo ishte shumë e fortë dhe nuk donte që ne të ndjenim keqardhje. Donte ta bënte këtë luftë e vetme.”

Në një intervistë të parë, bashkëshorti flet

Në lidhje me të birin, ai tha se nuk i kanë fshehur asgjë. “Ne nuk i kemi fshehur asgjë Gabrielit. Siç mund t’i flasësh një djali vetëm 6 vjeç, ne i flisnim atij përpara çdo procesi dhe ishte i informuar në brendësi të situatës. Kishim shpresë deri në ditën e fundit se ajo do të shpëtonte.”

Profili i Hueydës në Instagram është ende i hapur, sepse Thierry e koncepton si një formë për t’u “lidhur” me të. “Duket sikur ajo është ende këtu dhe mendova se do të ishte diçka shumë e mirë për të gjithë shqiptarë, që e donin bashkëshorten time. Për mua nuk është e lehtë të mbaj të hapur rrjetet sociale”.

 
 
 
 
 
View this post on Instagram
 
 
 
 
 
 
 
 
 
 
 

A post shared by Hueyda El Saied Grosjean (@hueyda_artwork)

Në një intervistë te “Rudina”, Arjan Konomi, një nga miqtë e ngushtë të Hueydës, tregoi se disa nga shkrimet e saj për gjithë procesin me kancerin e gjirit mund t’i publikojnë në formën e një libri që do të ndihmojë shumë vajza dhe gra. Në “ABC-ja e mëngjesit”, Thierry foli edhe për këtë plan.

“Nuk është një ditar i kompletuar, i mirëfilltë. Janë skena të vogla, ndonjëherë duket si një libër. Unë i kam lexuar, por më duhet ta mendojmë me Gabrielin se çfarë do të bëjmë. Tani është herët, por mendojmë pas 7 muajsh, një viti, ndoshta bëjmë diçka me tekstet. Ndoshta i publikojmë.”

Në një intervistë të parë, bashkëshorti flet

Hueyda El Saied u nda nga jeta në moshën 46-vjeçare në 23 nëntor, si pasojë e kancerit të gjirit në fazë të zhvilluar. Kohët e fundit të jetës, ajo jetonte në Luksemburg së bashku me bashkëshortin dhe djalin Gabriel, i cili në korrik të 2021-it u birësua nga Thierry.

Bëhu pjesë e shorteut Coca-Cola

Fito çdo javë një Smart TV.

Ad by Mediadesk.al

MOS I HUMBISNI