Ky është Ryan Reynolds
Ndërsa ky është Ben Affleck
Por nëse ju e bëni mirë dallimin mes dy aktorëve, stafi i një picerie në New York nuk është fort i mirë me kujtesën.
Në podkastin "Dear Hank & John", Reynolds tha: "Ka një vend picash në East Village në New York ku unë shkoj prej vitesh. Ata besojnë se unë jam Ben Affleck dhe nuk i kam korrigjuar kurrë."
Aktori shtoi që beson se "nuk do të shkonte mirë" nëse do të zbulonte identitetin e tij të vërtetë sepse kanë kaluar shumë vite. "Ata më pyesin se si është J.Lo dhe unë them ‘shkëlqyeshëm’ dhe thjesht marr picën dhe largohem," u tha ai drejtuesve të podcast John dhe Hank Green.
Nuk është hera e parë që aktori i “Deadpool” ngatërrohet me një tjetër personazh të famshëm. Më parë, Reynolds ka thënë se e kanë ngatërruar me Ryan Gosling.
