Për herë të parë, princ Harry dhe Meghan Markle kanë prezantuar botën me vogëlushen e tyre, Lilibet Diana Mountbatten-Windsor, përmes kartolinës familjare të Krishtlindjeve. 

Në foto, shfaqeshin të katërt duke buzëqeshur teksa Meghan mbante të bijën, portreti i të cilëve na kujtoi Archie-n kur ishte ende një bebe. Ndonëse të gjithë sytë ishin tek vogëlushja 6 muajshe, s'mund të mos merrte vëmendje fëmija i parë i çiftit i cili tashmë i rritur dukej si një mini- princ Harry. 

"Këtë vit, 2021 ne mirëpritëm vogëlushen tonë, Lilibet në këtë botë. Archie na bëri "mami" dhe "babi" kurse Lili na bëri një familje."- shkruhej në kartolinën e urimit të Meghan dhe Harry-it. 

Fotoja e zgjedhur për këtë vit, është ndryshe nga ajo e 2020-ës, ku shfaqeshin vetëm imazhet e pikturuara të çiftit, Archie-it dhe qenit të tyre. 

Dyshja mbretërore janë kujdesur me fanatizëm të ruajnë privatësinë e fëmijëve të tyre që kur u zhvendosën në Amerikë në mars të 2020-ës. Edhe gjatë intervistës së famshme me Oprah, Meghan tha se ishte e tmerruar të pozonte me Archie-n kur lindi, para gjithë botës, siç Kate ka bërë me të tre shtatzënitë e saj.

Burimi: BuzzFeed