Pas përfundimit të papritur të serisë së 6-të, seria e ardhshme e $NOB do të na shuajë kureshtjen se çfarë ndodhi në të vërtetë mes Albanit dhe Kristelës.
Referuar trailerit të episodit të ardhshëm, një takim i tensionuar ndodh mes Tesës dhe Albanit. Diçka tronditëse duket se ka ndodhur për aq kohë sa Tesa i thotë “Nuk ke për ta gjetur fajtorin tek unë.”
“Pretendentja për fronin e kompanisë që shkon me shoferin e kompanisë,” dëgjohet në një moment t’i thotë Xhesika Tesës, një të vërtetë që Tesa vështirë ta përtypë.
Çfarë ka bërë Albani që Paulini i thotë “Kur tërheq [zemra], [truri] mbaron”?
“Si jena, si bohena, janë zgjedhjet tona Tes’ [sic],” i thotë Paulini në një tjetër moment Tesës. Ndoshta e ka fjalën për zgjedhjet e Albanit, i cili siç mund ta shihni, shfaqet i ulur në gjunjë para Tesës. Epo Alban, koka bën, koka pëson!
Seritë e $NOB transmetohen të dielën, ora 20:00 në Top Channel; ritransmetimi të mërkurën, ora 23:30. Në $NOB.al mund t'i shihni të gjitha seritë me titra shqip dhe anglisht kudo dhe kurdo, pa asnjë ndërprerje publicitare për 60 minuta.
