$NOB

Shenjat e horoskopit të disa prej personazheve të $NOB, sipas faqes së zodiakut Binjakët

Shkruar nga Anabel

9 Dhjetor 2021

Shenjat e horoskopit të disa prej personazheve të $NOB, sipas faqes

Një personazh si Tesa që bën çdo gjë për njerëzit e zemrës dhe nuk ndalet para asgjëje, a ju ngjason me njerëzit e shenjës së Dashit? Po Kristela, e cila ka ambicie shumë më të mëdha se moshatarët e saj, a nuk ju duket si një Virgjëreshë? Nëse po, jeni në të njëjtin mendim me Binjakët, një nga faqet më të mëdha të horoksopit në Instagram.

Binjakët, e cila është krijuar në vitin 2019 nga tre mikesha të ngushta dhe kreative të cilat krijojnë përmbajtje të kuruar deri në detaje për fanatikët e zodiakut, kanë bërë një analizë të shkurtër për disa nga personazhet e serialit $NOB.

Dashi: Tesa

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Tesa është përkufizimi i një Dashi: zjarr në sy e pastërti në shpirt. Tesa është një vajzë e fortë dhe nuk i drithet qerpiku para rrezikut. Jeta e ka rritur para kohe. Si Dash, Tesa bën çdo gjë për të mbrojtur njerëzit e zemrës, vendos veten në rrezik (sidomos për dashurinë). Ashtu si shumë persona të shenjës së Dashit, Tesa nuk e njeh fjalën “jo” dhe bën çdo gjë për të arritur atë që do. Le të themi se është gati të vetësakrifikohet dhe mund ta quajmë një Juliette të kohëve moderne.

Demi: Sara

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Vajza e urtë që përpiqet përherë të mbajë lart imazhin që prindërit kanë për të. Mendimi që kishte për njerëzit e pasur “u ndryshua” vetëm sepse ra në dashuri. E dimë, e pamundur për një Dem, por ja që nuk kontrollohen punët e zemrës. Sara është e përfshirë në një jetë të re duke lënë pak pas dore karrierën. Shpresojmë që së shpejti të mbledhë mendjen.

Binjakët: Albani

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Zhgënjimi e shtyu Albanin të marrë rrugë nga e cila vështirë se mund të kthehet mbrapa. Jeta nuk u tregua shumë e drejtë me të duke e përplasur me zhgënjimet, varfërinë dhe gënjeshtrat. Në mënyrën më të keqe kuptoi se në këtë botë leku e hedh ujin përpjetë, kështu që leku do t’ia zgjidhë hallet. Por nëse fiton në mënyrë të padrejtë, ndodh që edhe e pëson.

Gaforrja: Admiri

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Admiri ka si moto që “miku më i mirë i çdo personi është vetja e vet”. Zhgënjimet e jetës e kanë bërë që të jetë mosbesues ndaj atyre që i duan të mirën. Kjo ndonjëherë e shtyn drejt zgjedhjeve të gabuara. Admiri, si shumë Gaforre, është një njeri i fortë, por jeton vazhdimisht në luftë me veten më shumë se me njerëzit që e rrethojnë.

Luani: Linda

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Vështirësitë në jetë i mposht vetëm dashuria për familjen dhe fëmijët. Një grua si Linda e di që të kesh gjithë pasurinë e botës nuk të hyn në sy nëse familjen nuk e ke mirë. Ajo lufton fort ndaj intrigrave dhe problemeve që vijnë kur je e pasur. Luani brenda saj duket se sa fort mbron familjen dhe fëmijën.

Virgjëresha: Kristela

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Si një Virgjëreshë, Kristela është një vajzë e fortë me ambicie më të mëdha se moshatarët e saj. Asgjë nuk ndikon te ëndrrat e saj, as familja dhe as dashuria. Kristela është e ftohtë, shumë ambicioze dhe mbi të gjitha, çdo gjë e ka arritur vetë në jetë. Kur ndihet e kërcënuar, mund të dalë pak nga vetja.

Peshorja: Xhesika

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Askush nuk mund të jetë Peshore më shumë se Xhesika. Ajo është e pavendosur, sepse gjithë jetën të tjerët i kanë marrë vendimet për të. Xhesika ka frikë të jetë e vetme, prandaj nuk heq dorë nga lidhjet toksike. Mbi të gjitha, ka frikë se mos të gjithë e braktisin një ditë. Ndonëse ka çdo të mirë në jetë, ajo kapet pas gjërave toksike të cilat me siguri i bëjnë keq.

Akrepi: Franci

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Machine Gun Kelly shqiptar? Bëjmë shaka, ky është Franci. Franci, si Akrep, di ta nxjerrë shejtanin nga shishja sepse e ka parë sesi jeta nuk është gjithmonë e ëmbël. Ai jeton në hijen e të atit dhe duke qenë se nuk di si të shprehë veten, përpiqet të tregojë fuqinë me njerëz më të dobët se ai. Franci mendon se çdo gjë mund të bëhet pronë e tij, është pak (si shumë) toksik në lidhje. Si Akrep tipik, adhuron që ta përplasë të vërtetën e hidhur në fytyrë.

Shigjetari: Endi

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Endi tërhiqet pas dashurive të pamundura sepse zona e komfortit nuk është kurrë e duhura për të. Ai kërkon të dalë nga situta ku ndodhet, por përfundon nga shiu në breshër! Ndjen çdo gjë fuqishëm, prandaj gjen paqe te droga dhe seksi. Ka një mendje intrigante, por ndoshta jeta e ka bërë të tillë.

Bricjapi: Paulini

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Më thuaj që je Bricjap, pa më thënë që je Bricjap: Nis si hakmarrje ndaj padrejtësive që i kanë bërë familjes dhe përfundon duke u bërë njeriu më i pasur në botën e krimit. Nuk e di për ju, por kjo kërkon vendosmëri të madhe. Si Bricjap, është i ftohtë dhe sakrifikon shumë për njerëzit e zemrës.

Ujori: Bojkeni

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Bojken thyen pritshmëritë e të gjithëve kur vjen puna te njerëzit e pasur. Ka pasur çdo gjë të mirë në jetë (dhe mund të jetë i përkëdhelur dhe i pasjellshëm), ai sërish është i ëmbël dhe me këmbë në tokë. I sjellshëm, i thjeshtë dhe i gatshëm për të ndihmuar. Më thoni që nuk është Ujor: jeton në botën e tij duke parë “Star Wars” dhe koleksionon çorape.

Peshqit: Joani

 
 
 
 
 
View this post on Instagram
 
 
 
 
 
 
 
 
 
 
 

A post shared by $NOB (@snob_tvseries)

Joani është i riu tipik që do të bëj qejf dhe nuk e merr jetën shumë seriozisht. Provon çdo gjë nën moton “hë mo se një jetë kemi”. Gjithmonë i rrethuar me njerëz, por i vetmuar si shumë njerëz të tjerë të shenjës së Peshqve, prandaj askush nuk e njeh realisht. Ai lejon që të tjerët ta përdorin padrejtësisht nga frika se mos humbet pozitat dhe njohjet që ka.

- Përshkrimet janë përshtatur nga redaksia e Anabel për çështje stili dhe qartësie.

Bëhu pjesë e shorteut Coca-Cola

Fito çdo javë një Smart TV.

Ad by Mediadesk.al

MOS I HUMBISNI