Me siguri do të jetë një muaj i ngarkuar dhe ka të ngjarë të keni udhëtimin në plan. Eklipsi në datat 3-4 dhjetor do të jetë një Hënë e re me fuqi të trefishtë dhe do të bjerë në shenjën e Shigjetarit, që tregon se puna juaj mund të aplikohet në gjithë botën. Udhëtimi në një mjedis të ri do t'ju bëjë mirë, veçanërisht nëse keni qenë të mbyllur për muaj të tërë për shkak të pandemisë.
Nëse nuk udhëtoni këtë muaj, sërish do të ketë lajme të mira. Një eklips diellor mund të hapë një derë që ka qenë më parë e mbyllur, kështu që udhëtimi është një nga disa opsione vezulluese që po paraqiten.
Ju gjithashtu mund të takoheni me njerëz që kanë lidhje me median, si për shembull për një intervistë me shtypin. Anasjelltas, nëse jeni gazetar ose producent televiziv, mund t'ju jepet një detyrë që do të jeni të etur ta përfundoni. Zhvillimet që shfaqen në kohën e eklipsit do të jenë të rëndësishme për të ardhmen afatgjatë, kështu që nëse kjo ndodh, jepini intervistës ose detyrës të gjithë energjinë dhe përqendrimin që keni.
Nëse jeni në universitet ose shkollë pasuniversitare, po bëni përparime të rëndësishme dhe nëse provimet janë planifikuar ose ju duhet të mbroni një tezë, do t'ia dilni mirë - shumë më mirë nga sa e kishit parashikuar. Eklipsi i 3-4 dhjetorit ka fuqinë t'ju katapultojë në një zonë krejtësisht të re dhe nëse keni punuar shumë për të përmirësuar aftësitë, ka të ngjarë të shihni rezultatet.
Më 18 dhjetor, Hëna e plotë do të mbërrijë në një tjetër shenjë, Binjakët, dhe sërish duket se jeni gati për të udhëtuar. Këtë herë, një me distancë ose kohëzgjatje më të shkurtër. Kjo Hënë e plotë do të jetë e gëzueshme, sepse Jupiteri do të mbështesë nga afër Diellin. Miqtë mund t'ju rrethojnë dhe mund t'ju sjellin arsye për të shijuar këtë sezon. Fundjava e datave 18-19 dhjetor do të jetë më e lumtura e muajit për ju.
Afërdita, planeti i magnetizmit dhe tërheqjes, do të shkojë në prapavijë nga 19 dhjetori deri më 29 janar 2022, kështu që nisini blerjet e bukurisë në javët e para të dhjetorit.
Nata e Vitit të Ri do të jetë e mbushur me surpriza. Pavarësisht se çfarë planesh keni dhe çfarë parashikoni për mbrëmjen, diçka edhe më e mirë do të shfaqet dhe do t'ju pëlqejë qetësia e të gjithëve. Me shumë planetë të mbledhur në shtëpinë e dhjetë të famës dhe ndereve, një person i rëndësishëm që njihni nga puna mund t'ju ftojë ju dhe partnerin/en për pije.
Mund të jeni të zënë me gjetjen e mënyrave për të fituar më shumë para dhe përpjekjet ka të ngjarë të shpërblehen. Si rezultat i eklipsit diellor të Hënës së re 3-4 dhjetor, mund të dëgjoni se një bonus bujar i fundvitit ose komision i madh është në rrugën drejt jush. Të ardhurat duket se po përparojnë mirë dhe po tregojnë rritje. Demi është një shenjë që këmbëngul të ketë para për t'u ndjerë i sigurt, dhe për këtë qëllim, duhet të kurseni një pjesë të mirë të fondeve të fituara me vështirësi dhe t'i investoni ato me mençuri.
Hëna e plotë, 18 dhjetor, do të nënvizojë sërish paratë, kështu që mund të jeni duke blerë dhurata për pushime për familjen dhe miqtë. Gjatë gjithë muajit, sigurohuni që të qëndroni brenda buxhetit. Duket se po lini mënjanë disa nga paratë për udhëtime.
Jupiteri do të sinjalizojë Diellin më 19 dhjetor, një ditë e veçantë kur ka të ngjarë të dëgjoni lajme fantastike se sa mirë po ecni në karrierë. Më shumë para mund të vijnë te ju tani, ndoshta për shkak të Hënës së plotë të favorshme të këtij muaji. Nëse jo, mund të shihni më shumë të ardhura më vonë, me një rritje në fund të majit. Një person i rëndësishëm mund të ketë vënë re performancën qe keni dhe po kërkon për ju. 19 dhjetori do të jetë një nga ditët më të bukura të muajit, ndaj dukuni sa më mirë. Shumë sy do të jenë drejt jush.
Afërdita, planeti i lumturisë, luksit, argëtimit dhe dashurisë, do të shkojë në prapavijë nga 19 dhjetori deri më 29 janar 2022. Kjo mund të ndikojë te romancat nëse jeni beqarë. Për më tepër, nuk është koha për të organizuar një festë të shtrenjtë, luksoze. Blerja e bizhuterive ose parfumeve të çmuara nuk do të ishte ideja e duhur, pasi artikujt e luksit sundohen nga Afërdita. Planifikoni të bëni blerje për gjëra të shtrenjta shumë përpara datës 19 dhjetor.
Fakti që Afërdita është planeti sundues, sugjeron që mund të jeni më mirë duke i marrë gjërat me një ritëm të qetë. Keni përparuar mirë në shumë aspekte të jetës suaj, ndaj tani është koha të merrni frymë.
Natën e Vitit të Ri do ta kaloni privatisht me atë që doni. Keni një vit spektakolar që po afron, ndaj kaloni kohë duke menduar për të gjitha gjërat që dëshironi të arrini dhe përjetoni vitin e ardhshëm, në fund të 2022. Nëse mund ta imagjinoni, mund ta keni – kini besim.
Jupiteri, planeti i mrekullive dhe dhënësi i dhuratave dhe i fatit, do të zhvendoset në shtëpinë e njëmbëdhjetë të shpresave dhe dëshirave vetëm disa ditë para fundit të vitit, më 28 dhjetor, për të qëndruar me muaj të tërë. Ky vit që vjen do të jetë viti ku ëndrrat më të bukura mund të realizohen.
Copyright Anabel.al / Ndalohet ribotimi pa lejen e redaksisë.
