Papritur, të gjithë mendojnë se Bradley Cooper dhe Irina Shayk janë kthyer dhe për më tepër, nuk po përpiqen ta fshehin fare. Nga lindi e gjithë kjo?

Irina shoqëroi aktorin në premierën e filmit të tij të ri "Nightmare Alley" dhe për fansat t'i shihnin bashkë në një event të tillë nënkupton diçka më shumë. I pyetur se si ndihet prej faktit që në krahun e tij ka Irina-n gjatë premierës, Bradley u përgjigj duke thënë: "Eshtë shumë e veçantë."

Përtej kësaj, dyshja u sigurua të mos pozonin në asnjë foto bashkë, që interneti t'i përmbante aludimet, por dalja në konkluzione është e pashmangshme në botën virtuale.

Thashethemet vijnë pasi Bradley dhe Irina pak ditë më parë u fotografuan teksa ecnin krahë për krahu në Neë York, por burimet pranë tyre thanë me dije se thjesht po përpiqen të bashkëprindërojnë siç duhet. 

"Irina dhe Bradley shkojnë shumë mirë bashkë si prindër. Të dy e duan shumë Lean dhe duan të jenë prindërit më të mirë në botë. Në pjesën më të madhe të herëve që i shihni bashkë, kanë gjithmonë diçka për të bërë me vajzën, por kjo nuk do të thotë se nuk dalin asnjëherë vetëm me njëri-tjetrin."

Pra, pavarësisht shenjave nuk ka një rikthim. Ish-çifti u nda në qershor të 2019-ës duke thënë se pavarësisht përpjekjeve për ta shpëtuar lidhjen, Irina ishte e vendosur t'i jepte fund. 

Burimi: Cosmopolitan