Nëse ka diçka për të cilën Zendaya do të kujtohet shumëëë gjatë (përveç talentit) janë zgjedhjet e veshjeve të saj në momente të mëdha të modës! 

Në daljen e fundit, gjatë eventit Ballon D'Or në Paris, Zendaya u shfaq me një fustan i cili meriton 100% një artikull të dedikuar! 

E veshur me një fustan të zi mëndafshi nga Roberto Cavalli, koleksioni i 2020, 25-vjeçarja shkëlqeu në eventin më prestigjioz të futbollit. Fustani, i thjeshtë në dukje, kishte nga një surprizë në çdo kënd të tijin, por qershia mbi tortë ishte shpina! 

E gjithë pjesa mbrapa lidhej nga një aksesor gold në formën e gjarprit me dy koka, detaj i krijuar nga Fausto Puglisi, që përfundonte sërish me një lidhje në fundshpinë.

Fustanin, ylli i filmave e kombinoi me taka të zeza dhe vathë gold, për ta kombinuar me detajin e shpinës.