Showbiz dhe TV

Ndahet nga jeta Hueyda El Saied

Shkruar nga Anabel

23 Nëntor 2021

Ndahet nga jeta Hueyda El Saied

Artistja Hueyda El Saied është ndarë nga jeta në moshën 46-vjeçare.

Mësohet se Hueyda, e cila nuk foli kurrë për sëmundjen, vuante nga kanceri i gjirit në një fazë të zhvilluar.

Në fund të prillit të këtij viti, ajo preu flokët. “Ju lutem, mjaft më shkruajtët ‘rriti flokët’, ‘i kishe më të bukura të gjata’, ‘na mungojnë kaçrrelat e tua’ etj etj. Unë nuk dua nga ju vetëm komplimenta, kam nevojë për këshillat tuaja. Por duhet të kuptoni një gjë: Aktualisht, me këto flokë të shkurtra unë ndihem shumë mirë,” shkroi ajo asokohe.

"Hueyda zemër, me ç’lajm të trishtë u zgjova sot. Ke qenë gjithnjë një engjëll në Tokë, tani edhe në parajsë," shkroi miku i saj, gazetari Bledi Strakosha, pak çaste më parë.

 
 
 
 
 
View this post on Instagram
 
 
 
 
 
 
 
 
 
 
 

A post shared by BSM - Bledi Strakosha Media® (@bledistrakosha)

"Lamtumirë shoqe e vogël," postoi në rrjete sociale kryeministri Rama, ndërsa gazetari Blendi Fevziu shkroi "
Ishe e re dhe e doje jetën shumë për të ikur kaq herët. U prehsh ne paqe Hueyda."

 
 
 
 
 
View this post on Instagram
 
 
 
 
 
 
 
 
 
 
 

A post shared by Edi Rama (@ediramaal)

Hueyda, e lindur në Tiranë nga një nënë shqiptare dhe baba sudanez, u bë e njohur në Shqipëri pasi fitoi konkursin televiziv të kërcimit “Dymbëdhjetë vallëzime pa një të shtunë". Më pas, u angazhua në televizion si prezantuese, ndërsa në vitin 1994 u vendos në Francë ku vazhdoi karrierën në kërcim, si balerinë dhe koreografe.

Ndahet nga jeta Hueyda El Saied

Në vitin 2000, botoi romanin e saj të parë “Ngjyra e lëkurës sime”, ndërsa në vitin 2006 romanin “Maska e zemrës”.

Hueyda njihej edhe për pikturat në të cilat përziente materiale të ndryshme të frymëzuara nga kozmosi dhe galaktika.

 
 
 
 
 
View this post on Instagram
 
 
 
 
 
 
 
 
 
 
 

A post shared by Hueyda El Saied Grosjean (@hueyda_artwork)

Para se të ndahej nga jeta, jetonte në Luksemburg së bashku me bashkëshortin dhe djalin.

Ndahet nga jeta Hueyda El Saied

Hueyda El Saied ishte nënë e një djali 6-vjeçar, Gabrieli, nga marrëdhënia me ish-partnerin Michael Tamisier. Në dhjetor 2020, Hueyda u martua me Thierry Grosjean, i cili birësoi Gabrielin.

El Saied do të kujtohet si një nga portretet më të ëmbla të ekranit shqiptar, e cila përcillte gjithmonë pozitivitet në çdo intervistë të saj.

MOS I HUMBISNI