Pas një beteje të gjatë dhe të dhimbshme, Britney Spears është më në fund e lirë. Këngëtarja e konsideroi ditën e premte se “ditën më të mirë ndonjëherë” pasi kujdestarisë së saj 13-vjeçare i erdhi fundi.

“Zot i dua fansat e mi aq shumë sa është një çmenduri! Mendoj se do qaj gjatë gjithë pjesës tjetër të ditës,” shkroi ajo në Instagram pasi u publikua lajmi se gjykata i dha fund kujdestarisë.

“Dita më e mirë ndonjëherë. Falenderoj Zotin," shkruan në videon ku duken fansat teksa festojnë pas vendimit.

“Gjykata konstaton se kujdestaria e Britney Spears nuk është më e nevojshme,” vendosi gjykatësja Brenda Penny në seancën e të premtes në Los Angeles. Vendimi nuk ishte i papritur. Pas largimit të babait të Britney-t, Jamie Spears, nga roli i tij si kujdestar në fund të shtatorit, Penny e kishte konsideruar marrëveshjen "të paqëndrueshme" dhe "toksike".

Përpjekjet për t’i dhënë fund kujdestarisë së Britney-t u rritën në mënyrë dramatike gjatë verës, kur e ndihmuar nga avokati i ri Matthew Rosengart, Britney dëshmoi për herë të parë në gjykatë, një rrëfim që tronditi njerëzit.

“Kam gënjyer dhe i kam thënë botës që jam mirë dhe jam e lumtur. Është një gënjeshtër,” tha Spears gjatë seancës ku kritikoi të atin për mënyrën se si e kishte trajtuar.

Sam Asghari dhe Britney Spears

Kjo periudhë ka qenë e mbushur me shumë ngjarje në jetën e yllit të popit. Ajo u fejua me të dashurin Sam Asghari në shtator.