A keni rezultuar (ju ose dikush që njihni) negativë për Covid pavarësisht se e gjithë ose një pjesë e familjes është infektuar me koronavirusin? Kjo duket se ndodh jo pa shkak.
Shkencëtarët kanë gjetur një shpjegim, duke treguar se një pjesë e njerëzve përjetojnë "infeksion aborti" në të cilin virusi hyn në trup, por pastrohet nga qelizat T të sistemit imunitar në fazën më të hershme që do të thotë se testet PCR dhe antitrupat regjistrojnë një rezultat negativ.
Studimi i ri mund të hapë rrugën për një gjeneratë të re vaksinash që synojnë përgjigjen e qelizave T, e cila mund të prodhojë imunitet shumë më afatgjatë, thanë shkencëtarët (via Guardian).
Leo Swadling, një imunolog në Kolegjin Universitar të Londrës dhe autori kryesor i punimit, tha:
"Të gjithë kanë prova anekdotike të njerëzve që janë ekspozuar, por nuk janë infektuar. Ajo që ne nuk e dinim është nëse këta individë ia dolën vërtet ta shmangnin plotësisht virusin ose nëse e pastruan natyrshëm virusin përpara se të zbulohej nga testet rutinë.”
Hulumtimi sugjeron që një nëngrup njerëzish kanë tashmë qeliza T të memories nga infeksionet e mëparshme nga koronaviruset e tjerë sezonalë që kanë shkaktuar ftohje të zakonshme, të cilat i kanë mbrojtur nga Covid-19.
- Vendosja e 'Green Pass' në lokale: Si do të ndikojë, sipas mjekëve
- 6 shenja të fshehta që po përjetoni trauma nga pandemia, ndonëse nuk e dini
- Çfarë duhet të bëni në shtëpi gjatë dimrit për të parandaluar përhapjen e Covid
- Europa është sërish në qendër të pandemisë, thotë OBSH: Ç'do të thotë kjo?
- ‘Covid i gjatë’: Sa shqiptarë po e përjetojnë aktualisht në vend?
- Studimi: A e zvogëlon vaksinimi rrezikun e transmetimit të Covid brenda familjes?
