Aty nga fundi i spektaklit të Big Brother Vip mbrëmjen e djeshme, Donaldi nxitoi t'i linte porosi produksionit një dhuratë për Borën. Varësen e tij të floririt bashkë me një kuti biskotash i hodhi përtej shtëpisë së famshme me idenë e vetme që e para t'i marrë moderatorja. 

Ashtu siç tha edhe Donaldi, data 5 nëntor për dyshen Donald-Bora shënon 3 vjetorin e lidhjen. Sigurisht aktori i humorit nuk di asgjë se çfarë u bë më pas me dhuratën, por Instagrami, po.

Zemani u sigurua të na e tregonte publikisht përmes një fotoje të postuar para pak orësh, se varësja dhe vaferat janë në dorë të sigurtë. 

"Fundjavë të ëmbël!"- shkruan Bora dhe njerëzit nëpër komente s'mund të dukeshin më të ëmbëlsuar nga gjestet romantike të çiftit.