Dizajneri Tom Ford kujdeset që kur dizenjon xhinset, logoja të vendoset në një vend strategjik – vendin ku bashkohet pjesa e këmbëve me bustin (po e ilustrojmë në vijim me një foto të Rihanna-s).

“Kam veshur një palë xhinse të markës sime dhe në pjesë e poshtme të zinxhirit është vendosur ‘TF’,” tha ai për GQ në një intervistë të fundit.

Ndonëse shkronjat janë pothuajse të padukshme te pantallonat xhins, dizajneri nuk shqetësohet fare se mos ndoshta qepja strategjike nuk do të vihet re.

“Ti do ta vendosësh logon aty ku dikush do të hedhë sytë,” shtoi ai. “Të gjithë e shohin atë zonë. Burrat e shohin sepse duan të dinë: I madh? Jo i madh? Gratë gjithashtu shohin. Pra, e vendosim logon atje.”

Tom Ford tha se tradicionalisht logoja është vendosur në pjesën e pasme të pantallonave, sepse kur dikush ka veshur xhinse, të tjerët i shohin të pasmet.