Foto: Ina Omuri

Kanë mbetur vetëm 5 ditë nga momenti kur $NOB do të nis transmetimin në ekranin e Top Channel. Gjatë kësaj kohe, disa detaje interesante janë mësuar dhe të tjera gjëra ekskluzive do të zbulohen në ditët në vazhdim. Gati për disa kuriozitete?

1. Xhirimet nisën në pandemi. Në qershor të vitit 2020, produksioni nisi nga puna për të xhiruar dy seritë pilot. Dy seritë e para u xhiruan gjatë periudhës së pandemisë dhe u testuan në publik.

2. Skena e parë që është xhiruar është një skenë seksi. Po, është një skenë e fortë emocionalisht dhe domethënëse për rrjedhën e ngjarjeve, por nuk po ju bëjmë spoiler.

3. Shumica e xhirimeve janë natën. Vetëm 30% e xhirimeve janë realizuar ditën.

4. Skena që ka pasur më shumë dubla është një skenë boksi. Aktorit Gent Disha (Albani) i është dashur të realizojë shumë herë këtë skenë, e cila është goxha intensive dhe me rëndësi për gjithë metamorfozën e personazhit.

5. Numri total i skenave në 10 episodet e serialit është 522.

6. Xhirimet janë vendosur në 87 lokacione.

7. Numri total i veshjeve, përfshirë kastin e aktorëve dhe figurantët, është më shumë se 500.

8. Në serial janë afro 400 figurantë.

Artikuj të rekomanduar:

Për të tjera informacione ndiqni faqen @snob_tvseries për t’u informuar të parët me të rejat më të fundit.