Faqja e Top Channel në Youtube është faqja më e popullarizuar në krahasim me të gjitha kanalet shqipfolëse.
Sipas statistikave të SocialBlade, Top Channel renditet në vendin e parë dhe ka pothuajse dyfishin e shikimeve të videove në krahasim me vendin e dytë, ku renditet TV Klan. Përpos kësaj, kanali në YouTube numëron më shumë se 1.84 milion subscribers (të abonuar).
Nëse shohim shikimet e videove në total, shikimet në kanalin e Top Channel kapin shifrën 3,746,802,303 në total, (afro 3.8 miliardë). Në vend të dytë renditet TV Klan, me 2,076,495,288. Top5 mbyllen nga Vizion Plus me 805,551,759, televizioni kosovar RTK me 876,559,660 dhe reperin Noizy me 1,136,619,036.
Pak ditë më parë, Top Channel raportoi se kanali arriti rekordin historik të shikimeve në kanalin zyrtar, plot 10,1 milionë shikime vetëm të shtunën.
Disa performanca të hershme në Top Fest janë për momentin videot me më shumë klikime, ndërsa skeçet e “Portokallisë” janë ato që përbëjnë numrin më të madh të videove me miliona klikime. Disa puntata të “Shiko kush luan” dhe momente të komentuara nga “Për’Puthen” janë gjithashtu pjesë e listës së videove me më shumë klikime. Shikueshmëria dhe interesi për “Big Brother VIP” së fundmi patjetër që kanë ndikuar.
Shifrat e fundit tregojnë një rritje të audiencës së shikueshmërisë në kanalin e Top Channel, që dominon YouTube-in jo vetëm në krahasim me kanalet mediatike vendasve, por edhe në Ballkan.
