Gjatë një bisede me Arditin, të "ngecur" në dhomën e dënimeve, Semi ka treguar sërish për jetën e dikurshme krah ish-partnerit të saj, Bojken Lakos.
Këngëtarja tregon se ish-çifti ishin të martuar edhe me letra për shkak të dëshirës së saj për të jetuar jashtë vendit.
"Unë dikur vdisja të jetoja jashtë shtetit. E kisha ëndërr, kurse ime motër jo. Asaj i doli llotaria, mua jo. Tentova në fakt të ikja, kur isha me Bokun (Bojkenin), prandaj bëmë edhe letrat. U martuam për ta hedhur, për të bërë letrat që të shkonim andej, por nuk u bë. E lamë pastaj se mashtronte pak Boku, thoshte "kam qejf, kam qejf", por s'u bë kurrë. Tani nuk dua më në fakt, tani më pëlqen jeta këtu kurse më parë doja se s'bën të ikja jashtë."- u shpreh Semi.
Edhe më herët gjatë qëndrimit në shtëpi, Semi ka folur për ndarjen nga Bojken Lako, duke thënë se pavarësisht të gjithave, mbetet "njeriu i saj i afërt".
"Kam marrëdhënie të mirë, e pyes për çdo gjë [...] Para Big-ut, e pyeta nëse duhet të futesha ose jo", tha 29-vjeçarja gjatë lojës. Bojkeni do ngelet një mik i imi i zemrës. Kam shumë respekt për të dhe do kem gjithnjë. Është një njeri i afërt i imi."
Vetë Semi pohoi se ai ishte dashuria e saj e parë dhe se bashkë janë njohur kur këngëtarja ishte 17-vjeç ndërsa Lako 34.
