Spektakli i sotëm i "Big Brother Vip" duket se në qendër ka debatin mes Palomës dhe banorëve të tjerë të shtëpisë. Në fakt, gjithçka nisi nga pyetja që Paloma i drejtoi Arditit, pyetje që lidhej me seksualitetin e tij. 

Që nga spektakli i së premtes, ku publiku pyeti Arditin për seksualitetin e tij, Paloma vendosi ta vazhdojë diskutimin, duke i drejtuar pyetje që janë parë si të pahijshme jo vetëm nga Arditi, por nga një pjesë e mirë e banorëve të shtëpisë. 

Pyetjes së saj "Pse mendon se të pyeti publiku?", Arditi ju përgjigj:

"Boll me këtë temë! Skenarin bëje me dikë tjetër, ti s'bën dot lajm me seksualitetin tim. Nëse je kurioze mund të ta vërtetoj." 

E ndërsa mbrëmjen e sotme, ishte Arjola, Donaldi dhe Semi që kritikuan hapur gjatë spektaklit Palomën, duke e konsideruar pyetjen si tendencioze.

"Nuk ke të drejtë ta bësh këtë pyetje. Eshtë personale, është intime! Ishte tendencioze. A mund ta di çfarë ka ndjerë familja e tij nga televizori?"- i drejtohet e revoltuar Arjola. 

Në po të njëjtën kohë, Arditi u shpreh se tema që po diskutohej ishte delikate dhe e vetmja arsye pse donte ta shmangte si pyetje ishte fakti që jashtë njihte njerëz që kanë arritur në vetëvrasje vetëm prej një disktutimi si ky.

I po të njëjtit mendim me banorët e tjerë ishte dhe Balina Bodinaku. Opinionistja gjithashtu kritikoi pyetjen e saj duke i thënë:

"Ti e përdore këtë pyetje. Ne jetojmë në një shoqëri homofobe dhe ti e përdore këtë pyetje për të nxjerrë pikërisht këto ndjenja homofobie në mënyrë të papërgjegjshme me aq sa unë pashë."