Erjona Rusi pranoi që batuta e përdorur gjatë programit “T’ka mami yll” ishte “e gabuar”, por “kurrsesi bullizëm”.
Në videon e shkëputur nga emisioni, u shfaq një vajzë përballë jurisë që përbëhet nga Erjona Rusi, Albi Nako dhe Riselda Sejdia. Gjatë bisedës së shkurtër, vogëlushja filloi të pyetej në lidhje me peshën dhe marrëdhënien me ushqimin. “Pra, do të rrije pa ngrënë për të kërcyer?” ishte një prej pyetjeve drejtuar saj, bërë konkretisht nga Erjona.
“Liana është çokollata, karamelja apo edhe puftja që e kam dashur që sa e pashë. Batutë e gabuar ajo që patë në emision? Patjetër që po. Por kurrsesi bullizëm. Nuk do guxoja kurrë të denigroja një fëmijë për asnjë arsye e jo më për shkak të peshës dhe nuk e kam bërë këtë. Nëse nuk e keni përjetuar vetë, hapni fjalorin e shiheni mirë përkufizimin e bullizmit.” – shkruan ajo në Instagram.
Më tej shton:
“E dyta, nëse do kishit parë gjithë bisedën e zhvilluar me atë fëmijë që kur vjen, do kuptonit që ajo fjali vjen pasi folëm për sufllaqen që Liana kërkoi. Dhe unë nuk jam as idiote e as monstër që t’i them një fëmije rri pa ngrënë gjithë ditën vetëm që të kërcesh. Por a do hiqte dorë nga sufllaqja, pra ushqimi që ishte përmendur. Por ne kemi xhiruar mbi 5 orë e jo çdo gjë del në transmetim.”
Rusi u shpreh se ka gabuar me mënyrën e të shprehurit dhe nuk do t’i kërkonte falje askujt përveçse prindërve të vajzës.
“Këta të fundit duan vetëm që fëmija i tyre të heqë dorë nga këto ushqime ndaj e kanë sjellë në akademi që të bëhet e ndërgjegjshme dhe të stërvitet. Kështu që si konkluzion: Duke u bazuar tek një fjali, ju mund të bëni një fushatë të tërë denigruese dhe të mallkoni sa të doni pa parrë parasysh asgjë tjetër. Gjithsesi unë sa herë ta shoh ‘karamelen’, do vazhdoj ta përqafoj e do t’i them të heqë dorë nga sufllaqet dhe picat se i bëjnë dëm.”
Albi Nako nuk ka reaguar. As anëtarja e tjetër e jurisë, Riselda Sejdia, nuk ka reaguar, ndonëse në rrjet po qarkullon një tjetër video goxha e kritikuar.
View this post on Instagram
