Banorët e “Big Brother VIP” e patën të pamundur të mbanin lotët teksa disa prej tyre tregonin histori personale mbi kancerin.

Një prej tyre, Beniada, tregoi historinë e saj me një mish të huaj në gjoks, të cilin për fat të mirë e diagnostikoi herët.

“Unë në fakt e kapa shumë shpejt. Ishte 5 centimetra dhe u detyrova të operohesha. Duhet të kemi kurajë dhe t’i përballojmë. Unë i thashë vetes që do ta kaloj, u bëra pozitive dhe e kalova.”

Sheila gjithashtu ndau një histori të kancerit në familjen e saj.

“Kam pasur dikë që ka bërë një luftë shumë të gjatë me kancerin. Hallën time e cila më ka rritur të them të drejtën. E kam pasur si mamin tim të dytë dhe kemi jetuar në një shtëpi. Iu shfaq kanceri tre herë. Çfarë më ka ardhur keq është se në momentet e fundit, pasi iku në Amerikë, vetëm dikush iu gjend afër [...] Mirë është që të bëjmë sa më shumë vizita. Se ne gjithmonë ngelemi në momentet e fundit kur shfaqet sëmundja. Duhet të bëjmë kontrolle çdo gjashtë muaj.”

Sabiani gjithashtu tregoi për herë të parë se nëna e tij ka ndërruar jetë nga kanceri dhe ajo nuk e ka parë kurrë në skenë.

Paloma tregoi se humbja e motrës për shkak të kancerit të gjirit është humbja më e madhe për të.

Pas historive, banorët ndanë mesazhin “E duam jetën” duke iu referuar ndërgjegjësimit për muajin kundër kancerit të gjirit.