Bashkejetesa

A shpikën Elon Musk dhe Grimes një term të ri për ndarjen?

Shkruar nga Anabel

27 Shtator 2021

A shpikën Elon Musk dhe Grimes një term të ri për ndarjen?

Ndodh që çiftet të ndahen. U ndanë Jennifer Lopez dhe Alex Rodriguez, Bill dhe Melinda Gates, Jim Belushi dhe Jennifer Sloan, Jason Derulo dhe Jena Frumes etj. Por Elon Musk dhe Grimes jo. Ose më mirë të themi janë gjysmë të ndarë.

"Ne jemi gjysmë të ndarë, por ende e duam njëri-tjetrin, shihemi shpesh dhe jemi në marrëdhënie të shkëlqyera," tha Musk për Page Six.

"Kryesisht puna ime në SpaceX dhe Tesla kërkon që unë të jem kryesisht në Teksas ose të udhëtoj jashtë shtetit dhe puna e saj është kryesisht në Los Angeles. Ajo po qëndron me mua tani dhe bebi X është në dhomën ngjitur.”

Të qenit “gjysmë të ndarë” duket si një term i ri i marrëdhënieve. Jo fort i dëgjuar, por le të themi që nuk është hera e parë që përmendet. Në vitin 2014, interneti u tall me Gwyneth Paltrow e cila njoftoi se ajo dhe dhe Chris Martin ishin “duke u shkëputur me vetëdije”. Megjithatë, ekspertët e marrëdhënies e mbështetën këtë qasje ndaj ndarjes. “Gjysmë të ndarë” dhe “duke u shkëputur me vetëdije” duken si dy terma që tregojnë të njëjtën gjë. Çfarë konkretisht?

Në një artikull të Goop – marka e mirëqenies dhe stilit të jetesës së themeluar nga Paltrow – shkruhet se “shkëputja e ndërgjegjshme” është aftësia për të kuptuar se çdo acarim dhe argument brenda një marrëdhënieje ishte një sinjal për të parë brenda vetes dhe marrëdhënies. Sipas artikullit, është e pakuptimtë që njerëzit të besojnë se çdo marrëdhënie do të mbetet përherë e njëjtë.

Shkëputja e ndërgjegjshme parandalon prishjen e familjeve nga divorci dhe krijon familje të zgjeruara që vazhdojnë të funksionojnë në mënyrë të shëndetshme jashtë martesës tradicionale.

MOS I HUMBISNI