Sammy Sosa nuk duket më si në vitet 1990, gjatë kohës kur ishte pjesë e ndeshjeve shumë të rëndësishme në bejsboll. Ndryshimi i tij në pamje ka qenë i disktuar prej kohësh.

Sosa, i lindur në Republikën Domenikane, ka një ngjyrë shumë më të bardhë sesa ngjyra që ka patur gjatë karrierës së tij në MLB. Ai ka thënë në të kaluarën se lëkura e tij ka një pamje tjetër tani për shkak të një kremi që përdor, që ka në përbërje zbardhues - deklaratë që ka marrë kritika dhe shaka në rrjetet sociale.

"Është një krem zbardhues që e aplikoj para se të shkoj në shtrat dhe e zbardh lëkurën time", është shprehu ai në një intervistë të vitit 2009. "Ajo që ndodhi është se e kam përdorur këtë krem për një kohë të gjatë dhe kjo, e kombinuar me dritat e forta të televizorit, e bën fytyrën time të duket shumë më e bardhë nga ç'është. Nuk mendoj se dukem si Michael Jackson". 

Sosa, tani 52 vjeç, nuk ka folur shpesh dhe gjatë për ndryshimit. Në një tjetër intervistë të 2018-ës, ai tha se është i shëndetshëm dhe shtoi:

"Ata njerëz që më kritikojnë, nuk më njohin, nuk më vënë ushqim të tryezë dhe s'më paguajnë faturat", duke treguar se s'i detyrohet askujt një shpjegim.

Sidqoftë, ai ka thënë se "ndriçimi i lëkurës ishte një efekt anësor i padëshiruar i përdorimit të kremit".

"Unë nuk jam racist. E jetoj i lumtur jetën time".

Sosa ka qenë një nga sportistët më të suksesshëm të viteve '99-'00. Rënia e tij nga "froni" në vitet pasuese lidhet me pretendimet se ai përdorte droga për rritjen e performancës. Vitet e fundit ai është kryesisht jashtë syrit të publikut.

Burimi: Sporting News